At­hafna­kon­an og áhrifa­vald­ur­inn Tanja Ýr Ástþórs­dótt­ir er komin með kærasta í Bretlandi. Tanja sem flutti nýlega til London greinir frá því á Instagram í vikunni að hún sé komin með kærasta. 

Tanja svaraði spurningum fylgjenda sinna í vikunni. „Já,“ skrifaði hún þegar hún var spurð hvort hún væri í sambandi. Hún birti einnig myndir af nýja kærastanum. Sá heppni heitir Ryan og er breskur en hann hefur meðal annars komið til Íslands. 

Sambandið er enn ekki komið á það stig að þau Ryan eru byrjuð að búa saman þar sem Tanja sagði fylgjendum sínum að hún væri að leigja ein í London, nánar til tekið í Whitechapel en hverfið er staðsett í austurhluta borgarinnar. Markmið hennar er að kaupa sér eign í Manchester eftir eitt til tvö ár. 

Tanja Ýr svaraði spurningum fylgjenda sinna.

Hún var einnig spurð út í barneignir. „Ekki strax,“ skrifaði Tanja Ýr.

Smartland óskar Tönju Ýr til hamingju með ástina. 

Tengdar fréttir

Ný pör

Heiðdís Rós fann ástina í örmum bílasala í New York

• Oddný Eir og Gunnar Smári að hittast
• Inga Lind og Sigurður eru kærustupar
• Olga Lilja og Bergsteinn fundu ástina á Rúv
• Ástin blómstrar hjá Brynju og Lil Curly

» Fleiri tengdar fréttir

• Blogga um frétt