Tónlistarmaðurinn Lionel Richie segir að tilvonandi tengdasonur hans Elliot Grainge hafi skolfið á beinunum úr kvíða þegar hann bað um hönd dóttur hans, Sofia Richie. Hann segist ætla hafa grínast aðeins meira í honum, en sá að þyldi ekki mikið. 

„Hann var algjör taugahrúga, greyið kallinn. Ég hélt það myndi líða yfir hann, en hann lifði þetta af. Ég ætlaði að grilla hann aðeins, en vildi ekki grínast of mikið, hann var að fara falla í yfirlið,“ sagði Richie í viðtali við Acess Hollywood á dögunum. 

Hin 23 ára gamla fyrirsæta Richie og Grainge, trúlofuðu sig á Havaí á dögunum og var bónorðið einstaklega rómantískt. Hið nýtrúlofaða par hefur verið saman síðan í apríl 2021 en þau hafa þekkst síðan þau voru bara krakkar. 

Richie gamla sagðist lítast vel á tengdasoninn tilvonandi þó hann hafi verið stressaður þegar hann bað um hönd dóttur hans.

„Þetta var yndislegt, þau eru svo ástfangin. Þannig ég get sagt ykkur, það er í raun eina það sem pabbar vilja,“ sagði Richie. 

„Ég elska Elliot. Ég hef þekkt hann síðan hann var 12 ára, hvað finnst ykkur um það? Þannig þetta eru svona aðstæður þar sem ég þarf ekki að fara og láta rannsaka manninn til að vita hver hann er,“ sagði Richie. 

Elliot Grainge bað Sophie Richie á Four Seasons Hualalai. Skjáskot/Instagram

Tengdar fréttir

Brúðkaup

Bjarki Gunnlaugs og Rósa Signý giftu sig í gærkvöldi

• María Thelma og Steinar giftu sig í Hallgrímskirkju
• „Vonandi verðum við ekki ástfangnar af kúnnunum okkar“
• „Partíið hófst á dansgólfinu strax í kjölfarið“
• „Það var eiginlega ekkert bónorð því ég eyðilagði það“

» Fleiri tengdar fréttir

Ást í Hollywood

Sagður eiga í ástarsambandi við mun yngri konu

• Hávær orðrómur um hjónaskilnað
• Skellti sér á skeljarnar á fallegri strönd á Bora Bora
• Sögð hafa vitað um meint framhjáhald Jackman og Foster
• Stjörnuhjón hvort í sína áttina

» Fleiri tengdar fréttir

• Blogga um frétt