Leikaraparið Þórdís Björk Þorfinnsdóttir og Júlí Heiðar Halldórsson eru trúlofuð. Parið trúlofaði sig í uppáhalds byggingunni sinni, Samkomuhúsinu á Akureyri, þar sem þau hafa bæði starfað. 

Þórdís og Júlí hafa verið vinir í mörg ár og voru meðal annars saman í bekk á leikarabraut í Listaháskóla Íslands. Sumarið 2021 fundu þau ástina í örmum hvors annars og í nóvember sama ár keyptu þau sér íbúð saman þar sem þau búa nú. Þórdís á einn son úr fyrra sambandi og Júlí Heiðar á einnig einn son úr fyrra sambandi. 

Árið 2020 léku þau saman í leikritinu Vorið vaknar hjá Leikfélagi Akureyrar. Þórdís lék í vetur í leikritinu Skugga Sveinn á Akureyri. Júlí er sérfræðingur í fræðslumálum hjá Arion banka auk þess sem hann gefur reglulega út tónlist. Nýverið gaf hann út lagið Brenndur.

Smartland óskar þeim innilega til hamingju!

Tengdar fréttir

Allt fyrir ástina

„Það var aldrei planið að fara þessa leið en sem betur fer gerði ég það“

• Dóra Júlía gæsuð í gullsundbol
• Fundu hvort annað á dansgólfinu fyrir þremur árum
• „Við vissum frá upphafi að við ættum vel saman“
• Fögnuðu brúðkaupsafmælinu með hálfu maraþoni í Köben

» Fleiri tengdar fréttir

• Blogga um frétt