Haraldur Þorleifsson, stjórnandi hjá Twitter, vonaði að hann hefði verið sá Íslendingur sem greiddi hæstu skattana á Íslandi á síðasta ári. Hann náði því ekki, en borgaði þó næsthæstu skattana á Íslandi árið 2021.

„Ég var númer tvö, en ég tek því með stolti og þökkum fyrir að geta gefið aftur til samfélagsins sem veitti fötluðu barni af verkamannastétt menntun og heilbrigðisþjónustu,“ skrifar Haraldur í færslu á Twitter. 

Að því er fram kemur í Tekjublaði Frjálsrar verslunar var Haraldur með 102 milljónir króna í tekjur á mánuði að meðaltali á síðasta ári, miðað við greitt útsvar. Þær tekjur koma frá sölunni á hönnunarfyrirtæki hans Ueno til Twitter. Ákvað hann, þvert á ráðleggingar, að greiða skatt af sölunni á Íslandi. 

Frétt af mbl.is

Allir skattar af sölu Ueno verði greiddir á Íslandi

Launahæsti Íslendingurinn á síðasta ári var Magnús Steinarr Norðdahl, sem lét af störfum sem forstjóri hugbúnaðarfyrirtækisins LS REtail í október á síðasta ári eftir að félagið var selt Aptos, félags í eigu Goldman Sachs. Var hann með tæpar 118 milljónir króna í launatekjur á mánuði í fyrra.

Tengdar fréttir

Tekjur Íslendinga

Helgi á Hraunhamri tekjuhæsti fasteignasali landsins

• Ingvar launahæstur embættismanna
• Heiðrún Lind tekjuhæst hjá hagsmunasamtökum
• Tekjuhæstu áhrifavaldarnir
• Með tvöfalt hærri tekjur en næsti forstjóri

» Fleiri tengdar fréttir

• Blogga um frétt