Crossfit-stjarnan Annie Mist Þórisdóttir var tekjuhæsta íþróttakonan á Íslandi á síðasta ári. Var hún að meðaltali með 3,4 milljónir króna í laun á mánuði. Aflraunamaðurinn Hafþór Júlíus Björnsson var tekjuhæsti íþróttamaðurinn með rúmar fimm milljónir króna í tekjur á mánuði. Þetta kemur fram í Tekjublaði Frjálsrar verslunar. 

Annie hefur gert það gott í Crossfit heiminum á síðustu árum en árið 2021 var hún í þriðja sæti á heimsleikunum í Crossfit og í öðru sæti á Rouge boðsmótinu. Hún fékk 13,2 milljónir fyrir bronsið á heimsleikunum og rúmar 11 milljónir króna fyrir silfrið á Rouge boðsmótið.

Frétt af mbl.is

Annie krækti í silfur í Texas

Frétt af mbl.is

Annie fékk 13,2 milljónir fyrir bronsið

Á síðasta ári gaf hún út, ásamt Crossfit-stjörnunni Katrínu Tönju Davíðsdóttur, barnabókina What is the Way?. Einnig fjárfesti hún í fyrirtækinu Yerbaé, sem framleiðir orkudrykki, og er komin í stjórn fyrirtækisins.

Eiður Smári með 1,9 milljónir

Þriðji launahæsti íþróttamaðurinn á lista Frjálsrar verslunar er fyrrverandi fótboltamaðurinn Eiður Smári Guðjohnsen. Var hann með 1,9 milljónir króna í tekjur á mánuði á síðasta ári. 

Eiður Smári er þjálfari karlaliðs FH í fótbolta um þessar mundir. Á síðasta ári var hann aðstoðarþjálfari karlalandsliðsins í fótbolta.

Eiður Smári Guðjohnsen. mbl.is/Eggert Jóhannesson

Tengdar fréttir

Crossfit

Katrín Tanja brast í grát (myndskeið)

• Katrín Tanja á heimsleikana
• Breki keppir á heimsleikunum
• Sólveig og Halldór eru nýtt par
• Klaufaleg mistök í Madríd

» Fleiri tengdar fréttir

Tekjur Íslendinga

Vildi verða skattakóngur Íslands

• Herra hnetusmjör með tvöföld laun Emmsjé Gauta
• Jón Kalman með hærri laun en Arnaldur
• Patrekur tekjuhæstur í Æði
• Tekjuhæsti áhrifavaldurinn í fangelsi

» Fleiri tengdar fréttir

• Blogga um frétt