Tónlistarmaðurinn Jón Jónsson og Hafdís Björk Jónsdóttir tannlæknir eru búin að vera kærustupar í 20 ár. Frá þessu greinir Jón á Instagram og skrifar fallega um eiginkonu sína. 

„Hún er minn stærsti stuðningsmaður og harðasti gagnrýnandi. Togar mig á hærra plan og gerir mig betri á allan hátt. Elska þig, ástin mín,“ skrifar Jón á Instagram. 

Ást þeirra Jóns og Hafdísar hefur svo sannarlega borið ávöxt, nánar tiltekið fjóra, en þau eignuðust sitt fjórða barn saman á þessu ári, soninn Friðrik Nóa. Fyrir áttu þau Jón Tryggva, Mjöll og Sigríði Sól. 

Jón Jónsson og Hafdís Björk á brúðkaupsdaginn sinn árið 2017. mbl.is/Stella Andrea

Jón og Hafdís fögnuðu fimm ára brúðkaupsafmæli á þessu ári. Þau gengu í það heilaga í Dómkirkjunni árið 2017.

Frétt af mbl.is

Brúðkaup Jóns Jónssonar og Hafdísar

Smartland óskar þeim til hamingju með ástina!

Tengdar fréttir

Allt fyrir ástina

„Það var aldrei planið að fara þessa leið en sem betur fer gerði ég það“

• Dóra Júlía gæsuð í gullsundbol
• Fundu hvort annað á dansgólfinu fyrir þremur árum
• „Við vissum frá upphafi að við ættum vel saman“
• Fögnuðu brúðkaupsafmælinu með hálfu maraþoni í Köben

» Fleiri tengdar fréttir

• Blogga um frétt