Höfðar mál gegn Eddu Falak

Móðir konu sem var gestur í hlaðvarpsþættinum Eigin konur, sem Edda Falak stýrir, hefur höfðað mál vegna meints brots á friðhelgi einkalífs hennar.

Lögmaður hennar staðfestir þetta í samtali við mbl.is.

Í þættinum sagði konan frá uppvexti sínum og sambandi sínu við foreldra sína. Þar var spiluð hljóðupptaka af samskiptum hennar og móður hennar.

Móðirin segir upptökurnar hafa verið teknar án vitundar hennar, þær hafi verið teknar úr samhengi og að með birtingu á upptökunum hafi verið brotið freklega gegn friðhelgi einkalífs hennar.

Enginn þáttur í tvo mánuði

Eins og fjallað var um fyrr í dag hefur ekki komið út þáttur af Eigin konum í tvo mánuði, eða frá 15. desember.

Alls eru 783 áskrif­end­ur að þátt­un­um á Pat­reon og greiða þeir fyr­ir aukaþætti. Eng­inn aukaþátt­ur hef­ur komið á síðustu mánuðum þrátt fyr­ir að því sé heitið þegar fólk skrá­ir sig í áskrift. 

Frétt af mbl.is

Edda Falak segir breytingar verða á Eigin konum

Ekki náðist í Eddu við vinnslu fréttarinnar.

• Blogga um frétt