Ástráður Haraldsson, settur ríkissáttasemjari, rak Heimi Má Péturssyni, fréttamanni Vísis, Stöðvar 2 og Bylgjunnar, rembingskoss í Karphúsinu nú í morgun rétt eftir að hann hafði lagt fram miðlunartillögu í kjaradeilu Samtaka atvinnulífsins (SA) og Eflingar. 

Andrúmsloftið var spennuþrungið þegar Ástráður tilkynnti um miðlunartillögu sína á blaðamannafundinum sem og að vinnustöðvunum yrði frestað. 

Frétt af mbl.is

Ný miðlunartillaga og vinnustöðvun frestað

Sverðin slíðruð

Segja má að vendingar hafi orðið í kjaradeilu SA og Eflingar í síðustu viku þegar Halldór Benjamín Þorbergsson, framkvæmdastjóri SA, og Sólveig Anna Jónsdóttir, formaður Eflingar, samþykktu að slíðra sverðin og taka upp þráðinn í viðræðunum í Pallborði Vísis sem Heimir Már stýrði.

Ástráður sýndi Heimi þakklæti sitt í verki í Karphúsinu í morgun og fangaði ljósmyndari mbl.is, Eggert Jóhannesson, augnablikið.

Tengdar fréttir

Kjaradeila Eflingar og SA

Segir Eflingu reyna að útrýma láglaunastörfum

• Miðlunartillagan samþykkt
• Kemur í ljós í dag hvort að tillagan verði samþykkt
• Niðurstaðan skýr um réttarstöðu SA
• Dómurinn hefur mikla þýðingu

» Fleiri tengdar fréttir

• Blogga um frétt