Fyrrverandi fegurðardrottningin og lífstílsþjálfinn, Linda Pétursdóttir, hefur fundið ástina. Sá heppni er spænskur draumaprins sem hefur sést mikið á Instagram-reikningi Lindu undanfarna daga. 

Að undanförnu hafa þau notið lífsins saman á spænsku eyjunni Formentara og hefur Linda verið dugleg að deila ævintýralegum myndum frá fríinu á samfélagsmiðlum sínum.

Af myndum að dæma virðast þau alsæl hvort með annað, en síðustu daga hafa notið veðurblíðunnar til hins ýtrasta í töfrandi umhverfi, farið á rómantísk stefnumót og horft á sólsetrin.

Smartland óskar þeim innilega til hamingju með ástina!