Arnaldur Indriðason er einn ástsælasti rithöfundur þjóðarinnar.  Í sam­starfi Smart­lands og For­lags­ins tal­ar hann um nýjustu bók sína Sæluríkið. 

„Það er enginn James Bond í þessu,“ segir Arnaldur og segir að það felist áskorun í að búa til spennandi efnivið úr sögu sem tengist kaldastríðsárunum. 

„Ögrunin að búa til eitthvað sem kannski þykir fjarstæðukennt,“ segir hann og bætir við: 

„Ef þú getur sett það í þann búning að það verði trúverðugt, þá er allt hægt,“ segir hann jafnframt. 

Sæluríkið er glæpasaga um brostna drauma, hugsjónir á villigötum og kalda grimmd og fólk sem á stórra harma að hefna. 

Við Hafravatn finnst ferðamaður látinn með áverka á höfði. Þegar ljóst verður að hann er í raun íslenskur og kom við sögu hjá lögreglunni þegar félagi hans hvarf nokkrum áratugum fyrr fer Konráð að grufla í samhengi hlutanna. Hans eigin fortíð blandast þar inn; umtalað morðmál frá áttunda áratugnum veldur uppnámi innan lögreglunnar og fornvinur hans, Leó, er farinn í felur. Um leið leitar tíðarandi kalda stríðsins á huga Konráðs, andrúmsloft samfélags í fjötrum sem litaðist af heift og flokkadráttum.

Sæluríkið er 27. skáldsaga Arnaldur sem hefur hlotið fjölda verðlauna og viðurkenninga fyrir bækur sínar sem hafa verið þýddar á tugi tungumála. Og selst í nær tuttugu milljónum eintaka um allan heim. 

Tengdar fréttir

Bókaland

Ragnheiður bauð í teiti á Holtinu

• Skúli bauð í teiti á Kjarval
• „Ég held að réttur klæðaburður geti hjálpað fólki til að komast þangað sem það vill fara“
• „Geir var mjög ánægður og tók þessu með þökkum“
• Beta Reynis: Með galopið hjarta

» Fleiri tengdar fréttir

• Blogga um frétt