Nóttin: Hilmir Snær án Völu á Ölstofunni
Setja bókamerki
Tengdar fréttir
Hverjir voru hvar
Það er svakalegt álag á Nóttinni þessa dagana. Það þarf einhver að standa vaktina á lögmannsstofunni enda margir að reyna að leysa úr vandræðum svona korter í jól. Nóttin má samt eiginlega ekkert vera að því að reyna að koma húsum af nauðungaruppboðum vegna smáskulda. Hún hefur öðrum og mikilvægari hnöppum að hneppa. Aðgerðaráætlunin, Nóttin kemst á fast fyrir jólin, er að renna út í sandinn þrátt fyrir ítrekaðar ferðir á staði þar sem testósterón-magn er yfir hættumörkum. En kannski ætti Nóttin bara að slaka á. Þessi þriðja vakt er víst algert helvíti ef marka má skilgreiningar Þorsteins í Karlmennskunni sem datt í það að fara að áreita bókara í Bónus sem heitir víst Ester. Öll umræða um þriðju vaktina getur hæglega slökkt alla löngun til kynmaka. Takk Þorsteinn, þú ert að eyðileggja fyrir Nóttinni! Skammastu þín.
Nóttin skellti sér á Kastrup á miðvikudagskvöldið. Það höfðu verið svo ógurlega margir viðskiptafolar þar á ferð upp á síðkastið en nú virðist staðurinn vera að breytast í gellustað því allur Johanesn-ættboginn var þar á ferð. Svava Johansen lét sig ekki vanta og heldur ekki hinar einhleypu Johansen-frænkur, Kittý og Gyða Dan.
Á hverjum fimmtudegi þakkar Nóttin fyrir að pabbi borgi fyrir hana aðgang að Kjarval. Hann munar náttúrlega ekkert um það, en það er gott að hafa þessi hlunnindi sem eru án hlunnindaskatts. Nóttin alltaf að græða. Það var greinilega kominn jólafiðringur í fleiri en Nóttina því þarna var Sigurður Arnljótsson hjá Brunnum og Frosti Reyr Rúnarsson bankamaður. Hjörvar Hafliðason hlaðvarpsstjarna var í miklu stuði ásamt Agli Einarssyni. Hörður Ægisson á Innherja var líka á staðnum og líka Sigga Pé. Best hærði ráðherrann í ríkisstjórninni, Áslaug Arna Sigurbjörnsdóttir, lét sig heldur ekki vanta. Þar var líka María Sigrún Hilmarsdóttir fréttakona og Heiðrún Lind Marteinsdóttir framkvæmdastjóri SFS.
Föstudagurinn byrjaði eiginlega ekki fyrr en Nóttin var mætt á La Primavera með blásið hár. Hún var örlítið aum í vörunum því hún lét aðeins gera sig upp fyrir jólin en það er nú ekkert sem góður hyljari frá Lancôme getur ekki falið. Smá mar á efri vör er nú ekkert mál miðað við allar þjáningar heimsins. Þar voru allir og enginn að pæla í örlitlum bláma á efri vör Nóttarinnar. Allir bara að spá í sér. Best áberandi voru þó gellurnar á LOGOS lögmannsstofunni, Áslaug Björgvinsdóttir sem er að selja einbýlishús við Sunnuveg 5, Helga Melkorka Óttarsdóttir.
Nóttin skellti sér í Kringluna eftir vinnu á föstudaginn. Hún átti eftir að kaupa nokkrar gjafir. Aðallega gjafir frá sér til sín. Það glataða við lausagang jólanna er þessi jólagjafaskortur og því þurfa „sjálfstæðar“ konur eins og Nóttin að bregðast við því. Hún var reyndar búin að bregðast örlítið við þessu ástandi þegar hún keypti aðeins of mikið á Net-a-Porter eitt kvöldið. Hún kýs að kenna örlítilli ölvun um en Indó-kortið gefur til kynna að Nóttin hafi örvað hagkerfi Bretlands aðeins of duglega. Eftir þessa örvandi Kringluferð lá leiðin á Ölstofuna. Þar var leikarinn Hilmir Snær Guðnason í sætinu sínu en ekkert sást til kærstu hans, Völu Eiríksdóttur.
Nóttin vaknaði fersk á laugardeginum enda var mikið prógramm framundan. Vinnufélagarnir fóru á tónleika með Auði í Iðnó. Þar var margt um manninn. Logi Bergmann Eiðsson var í miklu stuði á tónleikunum en þar var Heiðrún Lind Marteinsdóttir, María Hrund Marinósdóttir hjá Móðurskipinu, Tómas Steindórsson á X-inu og kærasta hans, Hrafnhildur Lúthersdóttir, sem er systir Auðuns tónlistarmanns. Þar var líka Margrét Bjarnadóttir.
Vinkona Nóttarinnar var boðið í leynipartí heima hjá Dóra DNA, sem er líklega maður vikunnar eftir að hafa spáð til um eldgosið í Spursmálum á mbl.is þegar allir voru búnir að afskrifa gosið.
Nóttin lét lítið fyrir sér fara heima hjá Dóra DNA enda var lítið rými fyrir ástsjúka einhleypa konu á fertugsaldri. Nóttin hefur sjaldan séð jafnmarga fræga undir sama þaki. Þarna var Kamilla Einarsdóttir, rithöfundur og goðsögn, Logi Pedro, Högni í Hjaltalín, Berglind Festival, Ragnar Helgi Ólafsson, Davíð Þorláksson, Birta Fróðadóttir og Aron Mola.
Nóttin kunni nú ekki við að vera þarna fram á nótt enda flestir í samböndum, nema Berglind Festival náttúrlega. Leiðin lá því á Kalda þar sem testósterónmagn var eiginlega yfir hættustigi. Þar var Kjartan Magnússon borgarfulltrúi, Andri Stefánsson framkvæmdastjóri ÍSÍ, Róbert Geir Gíslason framkvæmdastjóri HSÍ. Hann var svo heitur að Nóttin þurfti að fara heim að sofa og jafna sig.
Tengdar fréttir
Hverjir voru hvar
Samfylking og Viðreisn gáfu loforð
Segir að verið sé að svindla á Bandaríkjunum
Hrikalegt að heyra fréttirnar
„Börn heima sem maður myndi vilja hafa í skjóli“
„Tímabil aukinnar eldvirkni“
Þetta eru ráðherrar ríkisstjórnarinnar
Alvarleg netárás á Wise
„Mér finnst gamla Samfylkingin komin aftur“
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
endurskoðandi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál
lýtalæknir svarar spurningum lesenda