Svona hegða IceGuys sér þegar fólk sér ekki til

Einn stærsti tónleikaviðburður ársins fór fram í Kaplakrika rétt fyrir jól en þá kom strákahljómsveitin IceGuys fram á þrennum tónleikum. Það fer enginn á svið óundirbúinn eins og sjá má á myndum sem ljósmyndarinn Thelma Arngrímsdóttir tók baksviðs. 

Þeir Aron Can, Friðrik Dór, Herra Hnetusmjör, Jón Jónsson og Rúrik Gíslason vörðu miklum tíma saman. Þeir þurftu að hita raddböndin upp sem og líkamann, dæmi um það er þegar Herra Hnetusmjör tók armbeygjur og sýndi þar með líkamlegan styrk sinn. 

Það er ekki hægt að fara ógreiddur eða ósnyrtur á svið. Hinn hárfagri Rúrik fékk greiðslu enda leggur hann mikið upp úr útlitinu eins og fram kom í þáttunum um strákabandið. Friðrik Dór rakaði sig baksviðs og aðrir pössuðu að láta baugana ekki sjást. 

Ýmislegt getur komið upp á baksviðs þegar mikið er um að vera og er sjón sögu ríkar. Hér fyrir neðan má sjá myndirnar.