Smartland Mörtu Maríu | Frægð | mbl | 29.12.2023 | 15:00

Baltasar og Sunneva ástfangin á skíðum

Sunneva Ása Weisshappel og Baltasar Kormákur saman í boði sendiherra Japans á Íslandi fyrir ári. Nú eru þau á skíðum eins og sést vel á skíðamyndinni. Samsett mynd

Kvikmyndagerðarmaðurinn Baltasar Kormákur Baltasarsson og myndlistarkonan Sunneva Ása Weisshappel njóta lífsins saman á skíðum. Fjölskylda Baltasars er einnig stödd á skíðum í Frakklandi.

Þetta er ekki fyrsta skíðaferðin sem þau Sunneva og Baltasar fara í saman og eru þau greinilega vant skíðafólk. Fyrir tæpum tveimur árum fór parið saman í skíðaferð innanlands. Voru þá foreldrar Sunnevu með í för.

Frétt af mbl.is

Baltasar í skíðaferð með tengdó

Það er nóg að gera hjá Baltasar og skíðaferðin líklega kærkomin afslöppun. Það er hvergi betra en að vera í núinu en í snævi þöktum brekkunum. Kvikmyndin Snerting verður frumsýnd á nýju ári og fleiri verkefni bíða.

„Ég er kominn með sjóð af verkefnum sem eru í þróun, á borð við þetta verkefni með Apple, sem ég hef verið að þróa frá upphafi. Ætli ég sé ekki með 20 verkefni í gangi sem ég er að þróa í samstarfi við ýmsa aðila,“ segir Baltasar Kormákur Baltasarsson, eigandi RVK Studios, í viðtali sem birtist í Morgunblaðinu á fimmtudaginn.