Smartland Mörtu Maríu | Frægð | mbl | 6.2.2024 | 19:00

Nóttin: Linda Pé og kærastinn á óvæntum stað

Nóttin hitti Rúrik Gíslason, Ragnar Sigurðsson, Berglindi Häsler, Þormóð Dagsson og Lindu Pé í liðinni viku.

Nóttin ætlaði að nýta vikuna vel til að fara á stefnumót en leiðinlegir veðurfréttamenn komu í veg fyrir góða viku. Einu mennirnir sem höfðu kjark í að mæta á deit voru björgunarsveitatýpur á uppáhækkuðum dekkjum og með flóðljós á toppnum.

Þriðjudagsmaður Nóttarinnar hætti við stefnumótið. Það kom í ljós að hann var ekki allur sem hann var séður. Hann var enn á heilsársdekkjum og þorði ekki að keyra. Viðvörunarbjöllunar byrjuðu strax að hringja enda Nóttin ekki til í að fá einhvern Landverndarpjakk upp í rúm til sín. Sjálf er Nóttin á nöglum. Til að hressa Nóttina við bauð pabbi Nóttinni í mathöllina á Hafnartorgi, enda eina mathöllin sem Nóttin lætur sjá sig í. Þar hitti pabbi hjónin Birgi Jónsson, forstjóra Play, og Lísu Ólafsdóttir eiganda Madison Ilmhúss. Þar var líka kærustuparið Berglind Häsler og Þormóður Dagsson sem byrjuðu saman síðasta sumar eftir áralanga vináttu. Það er til dæmis eitthvað sem Nóttin væri sjúkt til í að upplifa. Vandamálið er að allir gömlu vinirnir eru bara horfnir. Bömmer!

Frétt af mbl.is

Berglind fann ástina á ný eftir andlát eiginmannsins

Birgir Jónsson og Lísa Ólafsdóttir fóru út að borða á þriðjudaginn.

Á miðvikudaginn plataði vinkona Nóttarinnar hana með sér á Olifa pizzustaðinn á Suðurlandsbraut. Hún ætlaði auðvitað í ræktina í hádeginu en hugsaði með sér að það væri nóg að keyra fram hjá Laugum – hugurinn ber þig hálfa leið og allt það. Á staðnum var fótboltastjarnan Ragnar Sigurðsson á mikilvægum fundi með tveimur mönnum og nokkrum pizzusneiðum. Ljósbrá Logadóttir var einnig á staðnum en sambýlismaður hennar, Hjálmar Örn Jóhannsson, var hvergi sjáanlegur enda meira svona Domino's-týpa.

Nóttin nennti engan veginn í vinnuna eftir hádegi svo hún fór í Epal til að slaka á í hönnunarsófunum á efri hæðinni. Það kom í ljós að það var útsala í Epal. Nóttin er voða lítið að kaupa last season vörur en tók þó hringinn. Skúli Gunnlaugsson, læknir og listaverkasali, gerði það líka og stefndi í góð kaup hjá honum enda með heila innkaupakörfu af útsölugóssi. Allskonar fínerí!

Skúli Gunnlaugsson Rax / Ragnar Axelsson

Á laugardaginn var löns hjá pabba í Akrahverfinu og nýju konunni. Nóttin ákvað að taka með sér alvöru mjólk, ekkert haframjólkurkjaftæði. Hún hoppaði inn í Bónus á Garðatorgi og hitti þar Rúrik Gíslason. Nóttin veit vel hvar Rúrik á heima og hún er því viss um að hann hafi skroppið yfir planið til þess að kæla sig í mjólkurkælinum en ekki endilega til að ná sér frosna ýsu. Nóttin fékk útkall í lönsinum í Akrahverfinu, vinkona með útsöluvkíða í Kringlunni. Hún flýtti sér í Kringluna, kom þar auga á Katrínu Tönju Davíðsdóttur Crossfit-stjörnu. Nóttin náði síðan að bjarga vinkonunni úr stórhættulegum aðstæðum.

Katrín Tanja og Rúrik Gíslason. Samsett mynd

Í Þjóðleikhúsinu voru Æði-tvíburarnir Gunnar Skírnir og Sæmundur Brynjólfssynir búnir að dressa sig í stíl. Nóttin hafði ekki hugmynd um að þeir væru svona kúltiveraðir en Eddan er svolítið eins og Glæstar vonir með Britney-tónlist svo þeir hafa verið í essinu sínu og löbbuðu ekki út í hléi. Í leikhúsinu var einnig Karen Kjartansdóttir almannatengill sem notar augljóslega sama aflitunarefni og tvíburarnir.

Frétt af mbl.is

„Við vitum að við erum mjög kvenlegir og klæðumst kvenlega“

Hanna Birna Kristjánsdóttir. mbl.is/Hallur

Einhverra hluta vegna voru allir í Bláfjöllum á sunnudaginn. Nóttin er auðvitað þeirrar skoðunar að það taki því ekki að fara á skíði á Íslandi, brekkurnar eru svo stuttar og ekki hægt að fá almennilega drykki eins og Aperol Spritz. Sólveig Arnarsdóttir leikkona var í brekkunum og líka Arnar Hauksson, besti vinur Tolla. Nóttin ákvað samt að fá sér ferskt loft og fór út í bíl og endaði á Ráðagerði út á nesi. Þar var Linda Pé með nýja, unga kærastanum, rosa ástfangin. Hvers vegna finnur Nóttin engan svona suðrænan með tagl? Hanna Birna Kristjánsdóttir fyrrverandi borgarstjóri og ráðherra var líka á staðnum með vinkonum sínum. Rosa hress eins og alltaf!