Smartland Mörtu Maríu | Frægð | mbl | 13.2.2024 | 6:00

Nóttin: Hvers vegna getur Bensi Bjarna ekki byrjað með mér?

Það eru allir ástfangnir nema Nóttin. Pabbi og nýja konan, Freyja Haraldsdóttir og einhver David. Nóttin er alveg til í samgleðjast öðrum en væri rosa mikið til í smá séns.

Frétt af mbl.is

Freyja Haralds og David fundu ástina

Á þriðjudaginn var matarboð hjá pabba og nýju konunni í Akrahverfinu. Nóttin mætir vanalega með nesti enda aldrei hægt að treysta á veganheilsumatinn hjá innanhússtílistanum í Garðabænum. Þegar Nóttin stoppaði í Krónunni mætti hún Fjallinu í Krónunni á grænbláum Range Rover. Þvílíkt sem hann þarf að versla inn!

Frétt af mbl.is

Fjallið keyrir um á rándýrum Range Rover

Nóttin er byrjuð aftur í þerapíu. Hluti af því er að fara út fyrir þægindarammann eins og að fara í World Class í úthverfi. Ein besta þerapían er að fara í rækt upp í Breiðholt þar sem enginn fær inngöngu nema vera helflúraður og helst með húðflúr í andlitinu. Það var þó ein undantekning í ræktinni, fyrir utan Nóttina náttúrlega. Þar var söngkonan Sigga Ózk og svona líka ljómandi sæt og lekker. Nóttin þurfti auðvitað að fara fyrr úr vinnunni til þess að komast á réttum tíma upp í Breiðholt sem var mikill plús. Pabbi skilur þetta auðvitað.

Sigga Ózk. Ljósmynd/Rúv

Nóttin ætlaði að vera heima á fimmtudagskvöldið og endurskipuleggja skúffurnar í fataskápnum. En þá hringdi gömul vinkona sem vildi ólm fara á Veður bar. Nóttin veit að vín getur alltaf lagað allar heimsins lægðir og því ákvað hún að skella sér með og humma allt óskipulag heimsins frá sér. Jón Þór Gunnarsson forstjóri Kaldalóns var í miklu stuði og þar var líka Viktor Weisshappel Vilhjálmsson, Jakob Hermannsson og Auður Albersdóttir hjá STRIK. Sveinn Steinar Benediktsson eigandi Grugg og Makk lét sig ekki vanta og heldur ekki Guðrún Heiður Ísaksdóttir plötusnúður, Sunna Ben og Eirný Sigurðardóttir ostadrottning.

Jón Þór Gunnarsson forstjóri Kaldalóns. mbl.is/Kristinn Magnússon

Helgin byrjar eiginlega alltaf í hádeginu á föstudögum og þá er ekki verra að fara á La Primavera í Marshallhúsinu. Þar var Ragnar Kjartansson listamaður, Ásgeir Friðgeirsson ráðgjafi, Hörður Ægisson hjá Innherja, Auður Guðmundsdóttir viðskiptakona, Sigurjón Sighvatsson kvikmyndaframleiðandi og Svanhvít Friðriksdóttir almannatengill.

Sigurjón Sighvatsson og Ragnar Kjartansson. Ljósmynd/Sigurjón Ragnar

Hrafnhildur Hafsteinsdóttir.

Laugardagurinn byrjaði í Kringlunni en Nóttina vantaði nýtt dress fyrir deit kvöldsins. Hún missti pínu máttinn þegar hún sá viðskiptafræðinginn og fegurðardrottninguna, Hrafnhildi Hafsteinsdóttur, svífa um Kringluna í úlpu og uggskóm. Eitt augnablik hvarflaði að Nóttinni að þetta væri dóttir Hrafnhildar en þegar betur var að gáð þá var þetta hún. Nóttin þarf að fá upplýsingar um það hvernig hægt er að eldast afturábak án þess að byrja með 20 árum eldri manni. Nóttin gafst strax upp á fataleitinni og skellti sér í IKEA þar sem hún keypti bollur, á leiðinni út torgaði hún einni pulsu með Magga Mix. Hann er náttúrlega alltaf geggjaður!

Maggi Mix.

Það er ekkert sem bollur geta ekki bætt. Eftir bolluát ákvað Nóttin að réttast væri að byrja kvöldið snemma. Sumt fólk mælir með að byrja snemma og hætta snemma en móttó Nóttarinnar er að byrja snemma og hætta seint! Nóttin tók ákvörðun um að mæta í partí sem henni var ekki beint boðið í. Nóttin skellti sér á Tipsý en þar var vinur pabba, Bjarni Benediktsson utanríkisráðherra ásamt fjölskyldu sinni. Draumaprins Nóttarinnar, Benedikt Bjarnason alltaf kallaður Bensi Bjarna, var að útskrifast með einhverja gráðu. Kærastan Sunneva Eir Einarsdóttir var á svæðinu Nóttinni til lítillar gleði. Fleiri svona áhrifavaldakvís voru á staðnum eins og Jóhanna Helga Jensdóttir og Ástrós Traustadóttir. Allar voða sætar og fínar! Jafnsætar og á Instagram og enginn að fótaósjoppa bakgrunna eins og sumir!

Sunneva Einarsdóttir og Benedikt Bjarnason. Samsett mynd

Þegar það er lægð hjá Nóttinni er hún að deita fyrrverandi fótboltamann, en bara stundum. Hann er voða sætur en ekkert voða klár. Nóttin ákvað að fara með fótboltamanninum í Borgarleikhúsið á fótboltaleikrit. Þar var einn kynþokkafyllsti maður landsins Helgi Björnsson og eiginkona hans, Vilborg Halldórsdóttir. Á leiðinni heim komu þau við á hverfisbarnum Kjarval. Þau voru bæði orðin nokkuð völt en það átti nú ekki við um þá Stefán Einar Stefánsson og Einar Sigurðsson sem voru einu mennirnir sem Nóttin kannaðist við. Restin voru einhverjir sem enginn þekkti. Átti hverfisbarinn Kjarval ekki að vera fyrir þá sem eru eitthvað og vilja frið frá almúganum?