Áhrifavaldurinn Hildur Sif Hauksdóttir frumsýndi nýja kærastann á Instagram-síðu sinni með fallegri afmæliskveðju. Sá heppni heitir Páll Orri Pálsson og er útvarpsmaður. 

Hildur Sif birti fallega mynd af parinu í afmæliskveðju sem hún sendi Páli Orra á Instagram í gær. Sex ára aldursmunur er á parinu, en Hildur Sif er fædd árið 1993 á meðan Páll Orri er fæddur 1999. 

Hildur Sif starfar sem sérfræðingur hjá fjártæknifyrirtækinu SaltPay, en hún flutti nýverið heim til Íslands eftir að hafa verið búsett í Lundúnum í tvö ár. Hún var í hópi fjögurra Íslendinga sem ráðnir voru til starfa á skrifstofu fyrirtækisins í Lundúnum, en fyrir það hafði hún starfað hjá SaltPay í eitt og hálft ár. 

Þá er Hildur Sif einnig hluti af vinkonuhópnum LXS sem hafa vakið mikla athygli á samfélagsmiðlum og í samnefndum raunveruleikaþáttum, en Hildur Sif hefur þó ekki verið hluti af þáttunum hingað til. 

Frétt af mbl.is

Hildur Sif kveður Lundúnir

Páll Orri er lögfræðingur að mennt, en hann útskrifaðist með meistaragráðu frá Háskólanum í Reykjavík haustið 2023. Hann starfar sem verðbréfamiðlari hjá Íslandsbanka og í útvarpsþættinum Veislan á FM957.

Smartland óskar þeim innilega til hamingju með ástina!

Tengdar fréttir

Ný pör

Inga Lind og Sigurður eru kærustupar

• Olga Lilja og Bergsteinn fundu ástina á Rúv
• Ástin blómstrar hjá Brynju og Lil Curly
• Ester og Björgvin eru nýtt par
• Vala Grand og Brynjólfur hafa skráð sig í samband

» Fleiri tengdar fréttir

Allt fyrir ástina

Fundu hvort annað á dansgólfinu fyrir þremur árum

• „Við vissum frá upphafi að við ættum vel saman“
• Fögnuðu brúðkaupsafmælinu með hálfu maraþoni í Köben
• Ástin blómstrar hjá Brynju og Lil Curly
• María Rut og Ingileif ástfangnar í 11 ár

» Fleiri tengdar fréttir

• Blogga um frétt