Ágústa Ósk Óskarsdóttir söngkona er stödd í Malmö í Svíþjóð en hún er ein af bakröddum Heru Bjarkar. Íslenski Eurovision-hópurinn kom henni á óvart með afmælissöng og köku. Hún táraðist og varð meir. 

Hvernig er að eiga afmæli við þessar aðstæður?

„Það er bara klikkað og ég er orðin svo meir. Það er svo mikið þakklæti að fá að vera í þessum hópi, í þessum kærleika hér í Malmö að halda upp á afmælið mitt á stærsta sviði sem ég hef nokkurntíma stigið á með Heru Björk, drottninguna, fyrir framan mig. Hún er stórkostleg manneskja sem ég hef þekkt í 25 ár. Alltaf eins og sami kærleikurinn. Það eru forréttindi að fá að vera fulltrúi Íslands með Heru Björk. Það sem hún segir er svo einlægt og beint frá hjartanu. Að vinna með Heru Björk er einstakt því hún vill alltaf stækka alla í kringum sig,“ segir Ágústa Ósk. 

Hún segist upplifa sig sem prinsessu á þessum degi og segir það stórkostlegt. 

„Þessi viðburður er ristastór og af stærðagráðu sem ég hefði ekki getað ímyndað mér. Allt fólkið frá öryggisvörðum, sviðsfólki, umsjónarfólki, allir eru svo miklar fagmanneskjur og sýna öllum virðingu. Að standa svo á sviðinu og finna orkuna þar er risa. Sýningin í kvöld verður sturluð,“ segir hún. 

Tengdar fréttir

Eurovision

Hollendingar taka þátt í Eurovision eftir brottvísun

• Þekktur sigurvegari Eurovision látinn
• Ísland tekur þátt í Eurovision 2025
• Söngvakeppnin haldin í Basel
• Segir Ísland líklegt til að vinna Eurovision 2025

» Fleiri tengdar fréttir

• Blogga um frétt