Það var ýmislegt skemmtilegt í gangi á Instagram í síðustu viku!
Landsmenn kusu sér nýjan forseta á laugardag, Jón Jónsson og frú kíktu til Boston í brúðkaup, Sunneva Eir og Birta Líf sýndu sig og sáu aðra á götum New York-borgar og tónlistarmaðurinn Bubbi Morthens skellti í 245. speglasjálfuna í Borgarleikhúsinu.
Heiðdís Rós Reynisdóttir förðunarfræðingur klæddi sig í sparigallann á Miami en hún býr í Bandaríkjunum.
Andrea Röfn Jónasdóttir fyrirsæta fór í brúðkaup í Boston. Hún skartaði sínu fegursta en líka klassískri handtösku frá Chanel.
Fanney Dóra leikskólakennari og áhrifavaldur gengur með sitt annað barn og elskar að birta myndir af maganum.
Jón Gnarr og Jóga voru sæl og sátt þegar endanlegar lokatölur lágu fyrir.
Guðmundur Emil Jóhannsson reif sig úr að ofan og gerði armbeygjur í sandinum.
Sunneva Eir Einarsdóttir hefur undanfarna daga notið lífsins í New York.
Halla Tómasdóttir, nýkjörin forseti Íslands, mætti galvösk ásamt fjölskyldu sinni í Ráðhús Reykjavíkur á laugardagsmorgun til að kjósa.
Eva Laufey Kjaran Hermannsdóttir og fjölskylda svífa um á bleiku skýi þessa dagana. Lítil stúlka, sem hlotið hefur nafnið Margrét Maren, bættist í hópinn þann 26. maí síðastliðinn.
Birgitta Haukdal átti yndislega daga ásamt móður sinni á Balí.
Helga Margrét Agnarsdóttir, laganemi, dansari og áhrifavaldur, elskar að vera umkringd blómum.
Tónlistarmaðurinn Bubbi Morthens tók 245. speglasjálfuna í búningaherbergi sínu, baksviðs í Borgarleikhúsinu.
Ástrós Traustadóttir átti góðan dag ásamt fjölskyldu sinni í Laugardalnum. Þau heimsóttu meðal annars Húsdýragarðinn og Flóran Café Bistro.
Birta Líf Ólafsdóttir birti einnig myndir frá ferðalagi hennar og Sunneva Eir Einarsdóttur til New York. Stöllurnar brölluðu ýmislegt skemmtilegt.
Baldur Þórhallsson birti fallega fjölskyldumynd og þakkaði fyrir stuðninginn.
Tónlistarmaðurinn Jón Jónsson og eiginkona hans Hafdís Björk Jónsdóttir mættu í veisluna með sturluð sólgleraugu og jón var í fallegum jakkafötum frá Húrra Reykjavík.
Plötusnúðurinn Dóra Júlía varð fullgildur Barre þjálfari um helgina en Barre er blanda af æfingum úr ballett, jóga og pilates. Hún byrjar bráðlega með námskeið!
Tónlistarkonan Guðlaug Sóley, betur þekkt sem gugusar, skemmti sér konunglega á ströndinni á Spáni og æfði nokkrar handstöður.