Tónlistarmaðurinn Laufey Lín Jónsdóttir, ein skærasta stjarna íslenskarar tónlistarsenu um þessar mundir, hefur fundið ástina. Hún hefur sópað að sér verðlaunum á tónlistarsviðinu en nú virðist hún hafa dottið í kærastalottóið líka ef marka má frétt af Vísi.is.
Þar kemur fram að hinn heppni heiti Charlie Christie og starfi í markaðsteymi hjá útgáfufyrirtækinu Interscope Records. Fyrirtækið gefur út tónlist Lady Gaga, Elton John, Billie Ellish og Maroon 5 svo einhverjir tónlistarmenn séu nefndir og er með skrifstofur á Santa Monica í Kaliforníu. Það er því kannski ekki skrýtið að hann hafi fallið fyrir Grammy-verðlaunahafanum Laufeyju.
Laufey óskaði kærastanum til hamingju með daginn á Instagram og birti mynd af þeim saman. Það er ekki laust við að það sé hjónasvipur með þeim.
Smartland óskar parinu til hamingju með ástina!