Við Kvistaland í Fossvogi er að finna 203,1 fm einbýlishús á einni hæð sem reist var 1973. Árið 2021 skipti húsið um eigendur og var það endurnýjað mikið árið 2022. Húsið var auglýst til sölu í maí og var ásett verð 228.900.000 kr.
Þegar húsið var endurnýjað voru þarfir nútímafjölskyldu hafðar til hliðsjónar. Til dæmis var skipt var um eldhúsinnréttingar í húsinu og settar nýmóðins í staðinn sem keyptar voru í Eirvík. Í eldhúsinu er Liebherr ísskápur ogMiele ofn með innbyggðri rakastýringu og kjöthitamæli og annar ofn frá sama merki sem er bæði ofn og örbylgjuofn. Í eldhúsinu er spanhelluborð sem kúrir vel á Kvartssteini með pandamunstri.
Nú er húsið selt og fór á undirverði eða 13 milljónum undir ásettu verði. Ögmundur Máni Ögmunsson og Petrea Mjöll Jóhannesdóttir keyptu húsið af Thomasi Má Gregers og Soffíu Theódóru Tryggvadóttur. Þau festu kaup á höll Össurar heitins Kristinssonar á dögunum.