Jón þarf þrjá tíma til að gera sig til

Það er ekki tekið út með sældinni að vera leikari eins og Jón Gnarr þekkir vel. Hann leikur um þessar mundir í þáttunum Felix og Klara og þarf að verja dágóðum tíma í sminki áður en hann fær að stíga á stokk og leika. 

„Förðun tók 4 klukkustundir í byrjun en við erum nú komin niður í 3,“ skrifaði Jón á Instagram en vinnan er greinilega að slípast til. Hann birti mynd af sér í snyrtistól þar sem átt er við útlit hans. 

Útlit Jóns tekur töluverðum breytingum í þáttunum en hann er meðal annars með gervihúð sem breytir útliti hans töluvert. Það vakti einnig athygli þegar hann rakaði af sér hárið eftir forsetakosningarnar. Jón er með mikla hár­kollu í hlut­verki sínu í þáttunum. Hann leyfði sínu eig­in hári að njóta sín í kosn­inga­bar­átt­unni en um leið og hún var búin lét hann hárið fjúka. Það er víst svo heitt að vera með mikið hár und­ir hár­kollu Fel­ix.

Frétt af mbl.is

Jón Gnarr lét raka af sér hárið eftir kosningabaráttuna

Jón leikur Felix í þáttunum Felix og Klara en Edda Björgvinsdóttir fer með hitt aðalhlutverkið. Það er Ragnar Bragason sem leikstýrir þáttunum en hann gerði einmitt Vaktaseríurnar með Jóni. Tök­ur á Fel­ix og Klöru hóf­ust 23. apríl og standa yfir til 19. júlí. 

• Blogga um frétt