Flottustu bakarar landsins

Á að baka vandræði? Nú geta lesendur Smartlands farið yfir lista flottustu bakara landsins og látið sig dreyma um ævintýri í eldhúsinu. Listinn inniheldur sykursætan konditormeistara, bakara sem elskar að ferðast, liðsmann í landsliði bakara og ástríðufullan bakara. Góð leið til að njóta lestursins er að gæða sér á jólasmáköku í leiðinni! 

Sigurður Már Guðjónsson - Bernhöftsbakarí

Sigurður Már Guðjónsson er einn hæfileikaríkasti bakara- og konditormeistari landsins. Hann er þekktur fyrir að gera syndsamlega góða eftirrétti og bestu rjómabollur landsins. Sigurður Már hefur hlotið hver verðlaunin á fætur öðrum fyrir kökur sínar og var meðal annars valinn kökugerðarmaður ársins á heimsþingi bakara og kökugerðarmanna árið 2022.

Sigurður Már Guðjónsson bakarameistari hjá Bernhöftsbakarí. mbl.is/Eggert Jóhannesson

Gunnlaugur Arnar Ingason - Gulli Arnar

Sælkerabakarinn Gunnlaugur Arnar Ingason, jafnan kallaður Gulli bakari, rekur eitt glæsilegasta handverksbakarí landsins og töfrar fram góðgæti sem þú finnur hvergi annars staðar á landinu. Hann útskrifaðist sem bakari árið 2017 frá Jóni Arilíusi í Kökulist og hélt í framhaldi út til Kaupmannahafnar þar sem hann efldi hæfni sína enn frekar hjá Conditori La Glace. 

Gulli Arnar bakari. mbl.is/Kristinn Magnússon

Elen­ora Rós Georgs­dótt­ir - Milk Run

Elenora Rós Georgsdóttir hefur þrátt fyrir ungan aldur, afrekað margt í bakstursheiminum. Hún lærði bökunarlistina af móður sinni og byrjaði snemma af töfra fram gómsætar kræsingar. Elenora Rós starfar sem bakari í Lundúnum og nýtur lífsins í ensku stórborginni.

Elenora Rós Georgsdóttir bakari hefur unnið hug og hjörtu þjóðarinnar með útgeislun sinni og bakstri. Ljósmynd/Thelma Arngríms

Matthías Jóhannesson - Passi­on Reykja­vík

Matthías Jóhannesson er ástríðufull­ur bak­ari sem veit fátt skemmti­legra en gleðja aðra með ljúf­fengu bakk­elsi. Hann starfar hjá Passion Reykjavík og er liðsmaður í landsliðið íslenskra bakara. Matthías eyðir gjarnan frítíma sínum í að ferðast. 

Matthías Jóhannesson bakari segir að fátt veiti sér meiri hamingju en að gleðja aðra og ein leiðin til þess er að baka ljúffengt bakkelsi. mbl.is/Eggert Jóhannesson

Stefán Pétur Bachmann Bjarnason - Hygge Coffee & Micro Bakery

Stefán Pétur Bachmann Bjarnason er bakari á Hygge Coffee & Micro Bakery og liðsmaður í landsliði íslenskra bakara. Stefán Pétur er ekki aðeins hæfileikaríkur bakari heldur einnig flinkur gítarleikari og spilar í hljómsveitinni Keel Rider. 

Stefán Pétur Bachmann Bjarnason landsliðsbakari starfar á Hygge Coffee & Micro Bakery. mbl.is/Árni Sæberg

Smári Yngvason - Gæðabakstur

Smári Yngvason er einstaklega hæfileikaríkur í sínu fagi og getur töfrað ótrúlegustu kræsingar. Hann er liðsmaður í landsliði íslenskra bakara og hefur verið verðlaunaður fyrir vinnu sína sem bakari.

Smári Yngvason frá Gæðabakstri er í landsliðinu. mbl.is/Kristinn Magnússon

• Blogga um frétt