Búðu til þitt eigið salt-sprey í hárið

Þó að sumarið sé á enda þýðir það ekki að það sé bannað að líta út eins og þú sért nýkomin af ströndinni.

Tjásaðir lokkar og áreynslulaust hár verður nefnilega áfram vinsælt í haust en því útliti er auðvelt að ná fram með salt-spreyi í hárið. Þá er óþarfi að eyða fúlgum fjár í slíkt sprey því það er auðvelt að útbúa heima.

Blaðamaður Elle deildi nýverið sniðugri uppskrift að góðu salt-spreyi í hárið sem kallar fram þetta sumarlega og flotta útlit.

Það sem þú þarft:

• tóma úðaflaska
• einn bolli heitt vatn
• 1-2 teskeiðar sjávarsalt
• 1 matskeið kókosolía eða arganolía
• ½ teskeið hárnæring
• sletta af hárgeli

Blandaðu öllum innihaldsefnunum saman í flöskuna og hristu vel. Úðaðu þá blöndunni í rakt hárið og leyfðu því að þorna náttúrulega.

Gerist ekki einfaldara!

Salt-sprey í hárið gefur áreinslulausa en flotta útkomu. AFP

• Blogga um frétt