Fyrirsætan Kendall Jenner birti ljósmynd af sér á Instagram í gær þar sem hún skartaði fallegum freknum en hingað til hefur fyrirsætan ekki verið með freknur. Því má gera ráð fyrir að einhver förðunarfræðingurinn hafi farðað freknurnar á Kendall fyrir nýtt verkefni.
Freknur gefa húðinni svo sannarlega frísklegt yfirbragð og þeir sem eru svo heppnir að vera með freknur geta verið stoltir af þeim. Það fólk sem er svo ekki með freknur þarf ekki að fara í fýlu því frekur er auðveldlega hægt að farða á húðina eins og Kendall sýndi og sannaði í gær.
Þetta veit förðunarfræðingurinn Charlotte Tilbury en hún setti freknur á fyrirsætur hönnuðarins Rachel Zoe árið 2012. Þetta er hægt að gera með augabrúnablýant eða ljósbrúnum augnskugga og mjóum pensli.
Förðunarfræðingurinn Nichola Joss tók þetta förðunar-„trend“ svo skrefinu lengra þegar hún notaði brúnkukrem til að búa til freknur á fyrirsætur St. Tropez. Þá tók hún brúnkufroðu í dökkum lit og sletti henni á andlit og axlir fyrirsætanna.
Þetta er virkilega sniðug leið til að breyta til.