Heitasti fylgihluturinn á Golden Globe-hátíðinni sem haldin var í gær er frekar óvenjulegur. Um er að ræða nælu sem leikkonan Reese Witherspoon lét útbúa. 

Það er ekki algengt að karlar mæti í stíl og séu allir eins en nú vildu þeir sýna samstöðu. Um er að ræða svarta nælu með lógói Times Up-samtakanna. Búningahönnuðurinn og stílistinn Arianna Phillips hannaði næluna og voru allir alvörukarlarnir með næluna í sér í gær. 

Samtökin Times Up voru stofnuð af 300 konum sem starfa í Hollywood en markmið samtakanna er að uppræta kynjamisrétti, áreitni og launamisrétti í geiranum.