Þegar maður pakkar eins og sérfræðingur er mikilvægt að muna hina gullnu reglu Pareto sem segir að 80% af tímanum notum við 20% af því sem við pökkum fyrir fríið. Sérfræðingur að pakka er góður að raða saman fatnaði og litum. Hann finnur út hitastig þar sem hann er að fara, velur sér nokkrar vel valdar flíkur sem passa saman í lit og sniðum og rúllar svo fatnaðinum upp af kostgæfni. Hann er með litla taupoka og gerir þannig ferðatöskuna eins og skúffu. Hann gerir ráð fyrir því að geta notað þjónustu til að þvo þar sem hann ferðast og fyllir töskuna aldrei meira en 80%. Þannig getur hann tekið nokkra hluti frá hverjum stað með sér heim í ferðalögum. Hann rúllar sokkapörum inn í skó og tekur einungis gæða snyrtivörur með sér sem hann hefur fært yfir í litla ferðabrúsa. Hann er umhverfisvænn upp að því marki að hann nýtir sér hárblásara og fleiri hluti sem eru á staðnum sem hann er að fara. Á myndinni sést hvernig hægt er að koma öllu vel fyrir í lítilli ferðatösku.