Skrautleg lína Gucci 2019

Ítalska tískuhúsið Gucci sýndi magnaða línu á dögunum sem kemur á markað 2019. Alessandro Michele, yfirhönnuður Gucci, er augljóslega ekki að láta neitt stoppa sig. 

Munstur og aftur munstur er það sem koma skal næsta ár. Áhrif frá áttunda áratugnum eru augljós en svo er dálítið sígauna-tvist sem er frekar merkilegt og kannski ekki alveg fyrir alla eins og til dæmis slæður með perlubandi og síð víð pils. 

Sólgleraugun eru áberandi og þau gleraugu sem eiga eftir að verða vinsælust eru sólgleraugun með ljósa glerinu. Eða svona sólgleraugu sem hægt er að nota innandyra.