Einnota myndavélar-filterinn

Nostalgía er allsráðandi í Instagram-trendi sumarsins, ef ekki ársins. Frægt fólk, Instagram-stjörnur, áhrifavaldar og ungmenni hafa öll notað þennan „filter“, já við erum að tala um „einnota myndavélar“-filterinn. Ef þú notar Instagram hefur þú örugglega tekið eftir þessu trendi, en stjörnur á borð við Kim Kardashian, Selena Gomez og Pete Davidson hafa notað hann.

Myndirnar eru unnar í gegnum forritið Huji Cam, forrit sem í þeirra eigin orðum „lætur þér líða eins og þú sért að taka mynd árið 1998.“ Þar er hægt að velja dagsetningu, til dæmis dagsetninguna í dag, eða einhvern dag árið 1998.

Forritið hefur verið sótt yfir 16 milljón sinnum og er á topp 10 listanum yfir vinsælustu myndaforritin í AppStore. Það kom inn í AppStore í september á síðasta ári og í mars á þessu ári fyrir Android-síma.

Fyrirtækið á bak við forritið er suður-kóreskt og litlar upplýsingar til um það. Til eru fleiri forrit sem bjóða upp á sömu möguleika, en hafa ekki náð jafnmiklum vinsældum. 

• Blogga um frétt