Tónskáldið Hildur Guðnadóttir er í kjól frá Chanel á Óskarsverðlaunahátíðinni sem fer fram í Los Angeles í Bandaríkjunum í nótt. 

Kjóllinn er án efa í anda Hildar sem hefur verið í einstaklega látlausum en fallegum kjólum á síðustu verðlaunahátíðum. Um síðustu helgi á BAFTA-verðlaunahátíðinni var hún í kjól frá Lever Cout­ure og var valin ein af best kæddu konunum á hátíðinni. 

Kjóllinn frá Chanel er með myndarlegum demöntum yfir brjóstið en skart Hildar eru einnig frá franska tískuhúsinu. Hildur klæðist svörtum hælaskóm við. Þótt Hildur sé einstaklega falleg í kvöld toppar hún þó ekki íslensku tónlistarkonuna Björk Guðmundsdóttur í frumleika í fatavali þegar kemur að Óskarsverðlaunahátíðinni.