Er samkomubannið að fara með hégómann og útlit þitt? Eru gráu hárin orðin aðeins of sýnileg? Þú þarft ekki að örvænta því það eru alltaf einhver ráð. 

Ég er ein af þeim sem þurfa að fara á hárgreiðslustofu einu sinni í mánuði til að láta lita gráu hárin. Nú er hins vegar búið að loka hárgreiðslustofunni og þá þurfa konur að redda sér. Eitt af því sem ég á alltaf í skápnum er Brunette Dry Shampoo frá label.m, hvort sem hárgreiðslustofur eru lokaðar eða ekki. Það nota ég þegar gráu hárin eru orðin aðeins of sýnileg en það gerist stundum eftir tvær vikur. Fer eftir lifnaði hversu hratt hárið vex en það er annað mál.

Þetta þurrsjampó er sniðugt að mörgu leyti því það er auðvelt að setja það í sig og svo lyftir það rótinni aðeins, sem kemur alltaf vel út. 

Best er að farða sig fyrst og enda á því að setja þurrsjampóið því ef þú byrjar á því gæti farðinn klesst við og myndað dökkbrúna slikju meðfram hárlínunni. Það er ekkert sérstaklega fallegt.

Ég ákvað að sýna ykkur í litlu myndbandi hvernig þetta þurrsjampó virkar í raun og veru. 

Tengdar fréttir

Snyrtirútína í samkomubanni

Þetta eru snyrtivörur ársins 2020

• Hlúðu að stærsta líffærinu á erfiðum tímum
• Þetta gerir Andrea til að hressa fólk við
• Svona færðu stórar og kyssilegar varir
• Svona framkallar þú náttúrulega skyggingu í andliti

» Fleiri tengdar fréttir

• Blogga um frétt