Björg Alferðsdóttir, international makeup artist Yves Saint Laurent á Íslandi, farðaði Telmu Kristínu Bjarnadottur með nýjustu litunum frá YSL. 

„Haustið er minn uppáhaldstími í förðun þar sem áherslan færist úr léttri náttúrulegri förðun yfir í meiri augnförðun og dekkri varir. Ég sótti innblástur að þessu sinni í förðun Dua Lipa sem er andlit LIBRE-ilmvatnsins frá YSL, þar sem áhersla er á dökka og dramatíska augnförðun með náttúrulegum vörum,“ segir Björg.

Þegar kólna fer í veðri er enn mikilvægara að undirbúa húðina til að ná fram fallegri og jafnri áferð.

„Ég vil ekki nota of þykk og mikil krem fyrir förðun og vel því að nota gott andlitsvatn sem fyllir húðina raka og létt serum yfir sem jafnar áferð og dregur fram ljóma húðarinnar, Pure Shots-línan frá YSL er mín „go to“ núna.

Yfir haust- og vetrartíma viljum við margar meiri þekju svo ég notaði All Hours-línuna á Telmu, farðinn og hyljarinn gefa miðlungs upp í mikla þekju, endast í allt að 24 klukkutíma og eru vatnsheldir.“

Til að fríska upp á húðina og fá meiri hreyfingu í förðunina notaði hún létt sólarpúður og mildan kinnalit.

„Fyrir stuttu komu nýjar augnskuggapallettur frá YSL sem innihalda 10 liti sem henta fyrir hvaða förðun sem er. Ég notaði pallettu nr.1, Paris, sem inniheldur ótrúlega klæðilega litasamsetningu sem toppar hvaða augnförðun sem er. Til að fá meiri dýpt notaði ég fyrst Couture Kajal-augnblýant og blandaði honum vel, því næst dreifði ég augnskugganum yfir augnlokið og endaði svo á vinsælasta maskaranum frá YSL, Mascara Volume Effet Faux Cils.

Þar sem ég ákvað að leggja aðaláhersluna á augun finnst mér fallegt að velja frekar hlutlausan varalit á móti. Slim sheer-varalitirnir gefa matta satínáferð og koma ótrúlega fallega út á vörunum, ég notaði lit nr. 102 sem er nude með örlitlum bleikum tóni. Mitt lokaskref í hverri förðun er svo All Nighter setting sprey frá Urban Decay sem gefur förðuninni allt að 16 klst. endingu.“