Svala fékk sér varafyllingu

Tón­list­ar­kon­an Svala Björg­vins­dótt­ir er búin að fá sér fyll­ingu í var­irn­ar. Svala birti færslu á In­sta­gram það sem hún ræðir ít­ar­lega um fyll­ing­una en hún seg­ist hafa gert þetta fyr­ir sjálfa sig. 

„Ég var búin að hugsa um þetta í mjög lang­an tíma og búin að afla mér allra þeirra upp­lýs­inga sem ég þurfti og valdi The Ward því ég var búin að heyra svo góða hluti um stof­una frá svo mörg­um. Hvað þýðir að láta fylla í varalín­una? Þá er sett fyll­ing­ar­efni aðeins í varalínu en ekki í var­irn­ar sjálf­ar. Þetta skerp­ir varalín­una og lyft­ir henni og ger­ir þínar eig­in­legu var­ir skarp­ari. Ég vildi líka fá rosa­lega nátt­úru­lega fyll­ingu sem myndi gera var­irn­ar meira áber­andi þegar maður set­ur á sig vara­blý­ant og varaliti,“ seg­ir Svala um fyll­ing­una. 

Eins og Svala seg­ir fór hún á stof­una The Ward Group og merk­ir hún stof­una í færsl­una en um sam­starf er að ræða. The Ward Group hef­ur sömu­leiðis birt mynd af Svölu á in­sta­gramsíðu sinni en á þeirri síðu má sjá nokkr­ar færsl­ur um áhrifa­valda sem fóru í meðferð á stof­unni. 

Svala ít­rek­ar að það sé mik­il­vægt að fara var­lega í slík­ar fegr­un­araðgerðir og að nauðsyn­legt sé að hugsa þetta vel áður en ákvörðun er tek­in. Hún birti tvær mynd­ir af nýju vör­un­um með færsl­unni. 

• Blogga um frétt