Það leikur enginn vafi á því að Katrín hertogaynja reynir að tengja fatastílinn sinn við konungsríkið. Það kom berlega í ljós í vikunni þegar hún og hertoginn af Cambridge heimsóttu Skotland.

Katrín hertogaynja klæddist köflóttum rykfrakka frá breska tískuhúsinu Holland Cooper. Svona rykfrakki er falur á veraldarvefnum fyrir 145 þúsund krónur.

AFP

Katrín hertogaynja skartaði grænum flauelsskóm frá Manolo Blahnik AFP

AFP

Sem virðingarvottur við afa Vilhjálms, prins Filippusar, sem lést í apríl þá 99 ára, óku hertoginn og hertogaynjan af Cambridge um á gömlum Land Rover sem var í eigu Filippusar heitins. Katrín kórónar svo lúkkið sitt með grænum Manolo Blahnik-hælum í stíl við litinn á Land Rovernum.

AFP

Það var létt yfir þeim, Kata var með hárið í lausu tagli og Villi slakur án bindis. Þau nutu sín vel án grímu og gaman að sjá aftur brosið þeirra. Hertogaynjan af Cambridge var með eyrnalokka sem eru í eigu ömmu gömlu.

Vilhjálmur á léttu nótunum og Kata skemmtir sér AFP

Katrín hertogaynja skartaði eyrnalokkum í eigu tengaömmu, Elísabetar Bretlandsdrottningar. AFP

Hjónin fóru meðal annars á seglhjól á strönd nálægt Sankti Andrews-háskólanum, þar sem þau kynntust fyrst fyrir 20 árum. Eftir seglhjólaævintýrið fengu þau sér fisk og franskar á vinsælum skyndibitastað við ströndina sem þau heimsóttu oft sem háskólanemar.

Vilhjálmur einbeittur á seglhjóli AFP

Katrín hertogaynja fór á flug AFP

Tengdar fréttir

Kóngafólk

Forréttindi að þurfa ekki að kveðja móður sína

• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi
• Fer fögrum orðum um eiginkonuna

» Fleiri tengdar fréttir

Fatastíllinn

Loka Spjöru og selja lagerinn

• Strigaskór Páls Winkel komnir í bann
• Hvernig á að handþvo föt svo þau endist sem lengst?
• Þetta er liturinn sem verður alls staðar í vor
• Lógóið er dottið út

» Fleiri tengdar fréttir

• Blogga um frétt