Íslenska andlitsserumið OH MY COD! (OMC!) var að koma á markað en um er að ræða öfluga blöndu af ensímum og  kollageni. Serumið er unnið úr þorski en í því er líka hýalúronsýra. 

„Húðin er stöðugt að endurnýja sig og byrjar ferlið í neðstu lögum húðarinnar þar sem frumur margfaldast og færast svo á yfirborðið. Ensím sem kallast Trypsin er fjarlægt úr þorskinum og notað í OMC! serumið. Trypsin eru ensím sem líkaminn framleiðir sjálfur og spilar stórt hlutverk í endurnýjunarferli húðarinnar með því að fjarlægja dauðar frumur í efsta húðlagi og í kjölfarið örva endurnýjun húðarinnar. Þegar þorskensímin komast í snertingu við líkamshita verða þau mjög virk, þar sem þau eru hitanæm. Með því að bera þau á húðina hjálpa þau til við endurnýjun með því að brjóta niður eldri húðfrumur sem eykur teygjanleika og stuðlar að sléttari húð,“ segir Hrönn Margrét Magnúsdóttir framkvæmdastjóri Feel Iceland sem framleiðir serumið. 

Hún segir að hýalúronsýran og kollagenið starfi vel saman og gefi húðinni aukinn raka ásamt því að mýkja hana, styrkja og draga úr fínum línum.  

OH MY COD serumið er framleitt og þróað á Íslandi og er fyrir andlit og háls.   Serumið hentar öllum húðgerðum og inniheldur einungis 9 innihaldsefni.

Tengdar fréttir

Snyrtibuddan

Bestu augnkremin í kuldanum

• Hvaða maskara nota þær?
• Íslensk snyrtivara hlýtur virt verðlaun
• Fögnuðu í bongóblíðu á þaksvölum
• „Í sköpun minni dansa ég á línunni milli listar og hönnunar“

» Fleiri tengdar fréttir

Kollagen

„Við borðuðum roð, gerðum beinasoð og borðuðum skinnið“

• Þetta gerir Jana til þess að verða sjaldan veik
• „Það er bara þannig að prótein brennir fitu“
• „Maður segir ekki við sjálfan sig að maður sé fáviti“
• Elísa Viðarsdóttir borðar próteinríkan morgunverð og sælgæti í hófi

» Fleiri tengdar fréttir

• Blogga um frétt