Þórdís Kjartansdóttir lýtalæknir á Dea Medica svarar spurningum lesenda Smartlands. Hér fær hún spurningu frá konu sem fór í brjóstaminnkun fyrir nokkrum árum og er ekki ánægð. 

Sæl Þórdís.

Nú fór ég í brjóstaminnkun fyrir nokkrum árum og hef alltaf verið óánægð með geirvörtubaugana eftir aðgerð. Annar er mun minni en hinn, er hægt að laga stærð baugs á einu brjóstinu, þ.e. minnka hann, í auðveldri aðgerð?

Kær kveðja, 

G

Þórdís Kjartansdóttir, lýtalæknir á Dea Medica. mbl.is/Árni Sæberg

Sæl og takk fyrir spurninguna,

Þegar brjóstaminnkun er framkvæmd er notast við staðlaða stálhringi sem ákveða stærðina á vörtubaug. Það er því sem betur fer sjaldgæft vandamál í kjölfar aðgerðar að vörtubaugarnir séu misstórir. Það ætti að vera tiltölulega einfalt að minnka stærri vörtubauginn hjá þér í staðdeyfingu. 

Ég mæli með því að þú hafir samband við lýtalækni og athugir hvort þetta gæti gengið fyrir þig.

Með bestu kveðjum,

Þórdís Kjartansdóttir, lýtalæknir Dea Medica.

Liggur þér eitthvað á hjarta? Þú getur sent Þórdísi spurningu HÉR. 

Tengdar fréttir

Spurðu lýtalækninn

Geta karlar farið í svuntuaðgerð?

• Er fólk einhvern tímann of gamalt fyrir svuntuaðgerðir?
• Hvað þarf fólk að vera þungt ef það ætlar í aðgerð?
• „Fólk getur helst ekki farið oftar en tvisvar í andlitslyftingu“
• „Fólk kemur í bótox og fylliefni og fer beint í vinnuna eða á fund“

» Fleiri tengdar fréttir

• Blogga um frétt