Les­end­ur eru dug­leg­ir að leita ráða hjá mér um allt milli him­ins og jarðar. Auðvitað er ekki hægt að svara öll­um spurn­ing­um en ég hef þó reynt að gera það eft­ir bestu getu. Hér kem­ur spurning frá konu sem vildi fá að vita hvaðan græni kjóllinn væri. 

Hæ Marta María. 

Ég var að horfa á Heimilislífsþáttinn hjá Líf Magneudóttur. Hvar fær maður svona geggjaðan grænan kjól sem þú varst í í nýjasta þættinum?

Kveðja, 

G 

Frétt af mbl.is

„Það er þröngt um okkur en okkur líður vel“

Svona lítur kjóllinn út á gínu.

Sæl og blessuð G. 

Takk fyrir spurninguna. Þessi kjóll var keyptur fyrir nokkrum árum hjá LK Bennet, sem er þekkt nafn í breska tískuheiminum. Þetta merki er í miklu uppáhaldi hjá mér því kjólarnir frá merkinu eru klassískir og hægt að nota ár eftir ár. Ég hef stundum keypt kjóla frá merkinu ef ég er stödd í Bretlandi en nýlega komst ég að því að þeir senda líka til Íslands í gegnum vefsíðu sína og varan er komin á leiðarenda á nokkrum dögum. 

LK stendur fyrir Linda Kristín en eigandi tískuhússins er hálfíslensk. Hún opnaði fyrstu verslunina 1990 og síðan þá hefur viðskiptaveldi hennar vaxið og dafnað. Í viðtali við Tímarit Morgunblaðsins árið 2006 sagði Linda Kristín frá því að hún sækti innblástur til Íslands. Þar kemur líka fram að hún hafi hannað brúðarskó Camillu Parker Bowles þegar hún giftist Karli Bretaprinsi. 

Frétt af mbl.is

Hannaði brúðarskó Camillu Parker Bowles

Í dag er merkið vinsælt hjá Katrínu hertogaynju af Cambridge en hún hefur oft sést í kjólum frá merkinu og líka skóm. Það sem mér finnst fallegt er hvað kjólarnir eru vel sniðnir og úr góðum efnum. 

Kær kveðja, 

Marta María 

Liggur þér eitthvað á hjarta? Þú getur sent spurningu HÉR. 

Mikið var um dýrðir þegar Karl Bretaprins og Camilla gengu í hónaband. Brúðhjónin stilltu sér upp fyrir ljósmyndara í Windsor-kastalanum. Því miður sjást LK Bennet skórnir ekki vel á þessari mynd. HO

Tengdar fréttir

Marta María

„Talandi um áfengisneyslu þá dettur mér tengdafaðir minn í hug“

• Heiðarleg tilraun til að stela stíl Ölmu Möller
• Björn klæddist 163.879 króna skóm með Prada-skildi
• Er dónalegt að nefna verð á fatnaði?
• Skilnaðarkúr Kardashian dregur dilk á eftir sér

» Fleiri tengdar fréttir

• Blogga um frétt