Óskarsverðlaunin fara fram á aðfaranótt mánudag. Á meðan verðlaunaafhendingin þykir ekki alveg jafn spennandi og áður fyrr er rauði dregillinn alltaf æsispennandi. Það eru nefnilega líka sigurvegarar á rauða dreglinum eins og myndirnar hér að neðan sína. 

Stjörnurnar passa að mæta alltaf glerfínar og oftast í kjólum. Það er jafnvel erfitt að finna myndir af konum sem mæta í buxum á hátíðina. Hvítir kjólar koma alltaf vel út og leit Angelina Jolie út eins og saklaus prinsessa í satín kjól frá Marc Bouwer árið 2004. Það virðist gott að veðja á ljósa tóna og perlur. 

Það er sjaldnar sem stjörnurnar taka áhættur á Óskarsverðlaunahátíðinni. Björk Guðmundsdóttir gerði það þó þegar hún mætti í Svanakjól eftir hönnuðinn Marjan Pejoski. Kjóllinn þótti umdeildur á sínum tíma. Í dag sést kjóllinn þó reglulega á listum þar sem farið yfir flottustu kjóla sem stjörnur hafa mætt í á rauða dregilinn.