Leikarinn Jason Momoa var ekkert að flækja málin né hárið þegar hann greiddi sér fyrir Óskarsverðlaunahátíðina í ár. Momoa, sem skartar síðu fallegu hári, skelli einfaldlega hárinu í fasta fléttu og lét gott heita. 

Hvort Momoa hafi greitt sér sjálfur hefur Smartland ekki heimildir fyrir en hann skartaði bleikri „scrunchie“ teygju í enda fléttunnar. 

Momoa kæddist svörtum einföldum, en fallegum jakkafötum og var með fánaliti Úkraínu í brjóstvasanum.

Leikarinn hárprúði virðist vera aðdáandi bleikra „scrunchie“ teygja en hann var sömuleiðis með þannig teygju á Óskarsverðlaunahátíðinni árið 2019. Þá klæddist hann bleikum flauelsjakkafötum og var með teygju í stíl á úlnliðnum, eins og allar alvöru skvísur gera.