Smartland Mörtu Maríu | Tíska | mbl | 12.5.2022 | 16:00

Eurovision-kynnirinn í ítalskri hönnun

Ítalska tónlistarkonan Laura Pausini var í bleiku. Samsett mynd

Ítalska söngkonan Laura Pausini var einn af þremur kynnum í undankeppni Eurovision í Tórínío á þriðjudaginn. Pausini lætur ekki hvað sem er bjóða sér og var í glæsilegri bleikri hönnun frá Valentino, einu flottasta tískuhúsi í heimi.

Bleiku kjólarnir sem Pausini klæddist á þriðjudagskvöldið voru allir frá Valentino. Nick Cerioni er stílisti Pausini og var henni til halds og traust þegar kom að því að velja föt fyrir kvöldin að því fram kemur á vef ítalska Vogue.

Bleiki liturinn fer Lauru Pausini vel. AFP

Pierpaolo Piccioli, listrænn stjórnandi Valentino, er góður vinur Pausini. Stílistinn Cerioni segir að Piccioli hafi strax verið til í að klæða Pausini fyrir fyrsta kvöldið. Pausini var í litnum PP Pink sem til dæmis leikkonan Nicola Peltz-Beckham var í á Met Gala fyrr í maí. Fatahönnuðurinn leggur áherslu á að fötin aðlagist þeim sem klæðist þeim en ekki öfugt. Í tilviki Pausini fékk persónuleiki hennar að skína í gegn.

Djarft og snjallt. AFP

Pausini var einnig himinlifandi og segir Piccioli vera í miklu uppáhaldi. Bleiki liturinn fer henni afar vel og fær hárliturinn hennar að njóta sín. Hún segir heppni fylgja því að klæðast Valentino en hún vann Grammy-verðlaun þegar hún klæddist hönnun merkisins. Hún klæddist einnig kjól Valentino á Óskarsverðlaununum í fyrra en hún var tilnefnd fyrir lag sem hún sögn.