Þetta eru unglegustu Íslendingarnir

Í nútímaveröld keppist fólk við að halda í æskublóma sinn. Það er hægt að fara margar leiðir til þess að auka frískleika. Sumir borða mjög mikið grænmeti á meðan aðrir passa upp á blóðsykurinn sinn til þess að eldast hægar. Hvað sem fólk gerir þá voru sérfræðingar Smartlands sammála um að eftirfarandi einstaklingar væru sérlega unglegir. 

Inga Lind Karlsdóttir, eigandi framleiðslufyrirtækisins Skot, 46 ára

Hún er ein af þeim sem virðist ekki eldast neitt. Það eina sem breytist ár frá ári er hárið sem er ýmist stutt eða sítt. Inga Lind iðar af ferskleika en hún spilar tennis og veiðir fisk sér til heilsubótar. 

Ragnar Jónasson, rithöfundur, 45 ára

Hann er einn af þeim sem virðist ekki eldast neitt. Oft er sagt að fólk eldist hraðar ef það vinnur mikið en það á augljóslega ekki við um Ragnar sem starfar í Arion banka meðfram því að skrifa hverja metsölubókina en hann hefur gefið út eina bók á ári frá 2009. 

Berglind Festival Pétursdóttir, fjölmiðlakona, 33 ára

Hún er ein af þeim sem eldist ekkert sama hvað. Er alltaf jafnstelpuleg. 

Páll Óskar Hjálmtýsson, tónlistarmaður, 52 ára

Það að vaka á næturnar og vera alltaf í stuði er augljóslega mjög gott til þess að viðhalda æskuljóma sínum. 

Sólveig Eiríksdóttir, heilsugúrú, 62 ára

Það að lifa á grænmeti og reyna að borða lítinn sykur hefur augljóslega góð áhrif ef fólk vill vera unglegt. Hún hætti líka að drekka fyrir nokkrum áratugum sem hefur heldur ekki skemmt fyrir. 

Lilja Pálmadóttir, hestakona og listakona, 55 ára

Ferska loftið í Skagafirðinum og allir reiðtúrarnir hafa augljóslega góð áhrif því Lilja eldist ekki neitt. 

Jón Jónsson, tónlistarmaður, 36 ára

Hann hefur augljóslega fengið mjög góð gen í vöggugjöf því það er sama hvaða gengur á - alltaf er hann jafnferskur. 

Katrín Jakobsdóttir, forsætisráðherra, 46 ára

Það þyrfti að setja þjóðina á sama fæði og forsætisráðherra. Hún lifir annasömu lífi og streytustigið er væntanlega aðeins hærra en hjá venjulegu fólki. Þrátt fyrir það er hún alltaf eins og nýúskrituð úr menntaskóla. 

Bergur Ebbi Benediktsson, lögfræðingur og skemmtikraftur, 40 ára

Grín og gleði eru augljóslega mjög góð fyrir fólk ef marka má æskuljóma Bergs Ebba. Hann er alltaf jafnferskur. 

Ágústa Johnson, eigandi Hreyfingar, 59 ára

Hún er ein af þessum manneskjum sem yngist með árunum. Ágústa er sérfræðingur í blóðsykurstjórnun sem hefur augljóslega haft góð áhrif. Með sílseandi blóðsykursmæli heldur hún í æskuljóma sinn. 

Einar Þorsteinsson, oddviti Framsóknarflokksins í Reykjavík, 44 ára

Hann hefur alltaf verið unglegur en ástin hefur líklega ekki eyðilagt neitt fyrir honum. Eftir að hann kynntist Millu Ósk Magnúsdóttur eiginkonu sinni hefur hann verið unglegri en nokkru sinni fyrr. 

Lukka Pálsdóttir, stofnandi Greenfit, 51 árs

Hún veit allt um heilsuna og hvernig er best að öðlast betra og lengra líf. Hún spáir mikið í blóðsykri og gætir þess að æfa rétt - ekki slíta líkamanum út í einhverju rugli. Það hefur augljóslega skilað miklum árangri.