Þórdís Kjartansdóttir lýtalæknir á Dea Medica svarar spurningum lesenda Smartlands. Hér fær hún spurningu frá konu sem langar í svuntuaðgerð. 

Sæl.

Ég er 72 ára og er með svuntu sem er farin að pirra mig. Ég fæ sár og nú er það spurning hvort ég sé of sein að fara í svuntuaðgerð. Ég er 168 cm og 85 kg og fer mikið í sólina. Hvað myndir þú ráðleggja mér?

Kær kveðja, 

ÞB

Þórdís Kjartansdóttir lýtalæknir. mbl.is/Árni Sæberg

Sæl og takk fyrir spurninguna.

Ef þú ert að hugsa um hvort það sé of seint fyrir 72 ára að fara í svuntu þá þarf það ekki að vera. Það fer allt eftir því hvernig almenn heilsa þín er. Ertu hraust í hjarta og lungum? Ertu á einhverjum ónæmisbælandi lyfjum? Reykir þú? Ef þú ert almennt hraust 72 ára ættir þú að geta farið í valkvæða skurðaðgerð. Þú ert með BMI um 30 sem er í þyngra lagi og mættir losna við nokkur kg fyrir aðgerð. 

Annars ráðlegg ég þér að panta þér tíma á stofu hjá lýtalækni og skoða þína möguleika.

Með bestu kveðjum og gangi þér vel,

Þórdís Kjartansdóttir lýtalæknir.

Liggur þér eitthvað á hjarta? Þú getur sent Þórdísi spurningu HÉR. 

Tengdar fréttir

Spurðu lýtalækninn

Geta karlar farið í svuntuaðgerð?

• Er fólk einhvern tímann of gamalt fyrir svuntuaðgerðir?
• Hvað þarf fólk að vera þungt ef það ætlar í aðgerð?
• „Fólk getur helst ekki farið oftar en tvisvar í andlitslyftingu“
• „Fólk kemur í bótox og fylliefni og fer beint í vinnuna eða á fund“

» Fleiri tengdar fréttir

• Blogga um frétt