Katrín prinsessa af Wales geislaði eins og sólin í gulum kjól frá Karen Millen þegar hún heimsótti fæðingardeild á sjúkrahúsi í Surrey í dag. Þetta er fyrsta skipti sem hún fer ein í opinbera heimsókn eftir að hún tók við prinsessutitlinum eftir andlát drottningar. 

Kjóllinn er einstaklega glæsilegur og kostar 220 pund eða um 35 þúsund krónur á gengi dagsins í dag. Kjóllinn heitir Forever og er í einstaklega klassískum stíl, með fallegu belti í mittinu og stuttum ermum. Við kjólinn var hún með dökkblátt veski og var í dökkbláum hælaskóm. 

Á fæðingardeildinni kynntist Katrín, sem sjálf er þriggja barna móðir, starfseminni betur og þeirri þjónustu sem óléttar konur og nýbakaðar mæður fá.