Leikkonan Mindy Kaling geislaði þegar hún mætti í partí Vanity Fair eftir Óskarsverðlaunahátíðina á Los Angeles á sunnudagskvöld. 

Kaling skipti úr glæsilegum Vera Wang-kjól yfir í glitrandi gullkjól frá indverska hönnuðinum Prabal Gurung. Með henni í för var leikarinn og góður vinur hennar D. J. Novak.

Leikkonan hefur grennst mikið á síðustu árum en hún ákvað að breyta um lífsstíl eftir að hún eignaðist sitt annað barn í september árið 2020. 

Svelti sig ekki

Útlit Kaling á dreglinum fyrir partíið vakti athygli á samfélagsmiðlum og höfðu aðdáendur hennar áhyggjur af því að hún væri farin að taka sykursýkislyfið Ozempic, sem stundum hefur verið „töfralyfið“ í Hollywood. 

Kaling hefur sjálf sagt í gegnum árin að hún svelti sig ekki til að léttast, en hún hefur misst um 18 kíló á síðustu árum. Það hafi heldur ekki hentað henni að fara á eitthvað ákveðið mataræði heldur fór hún að borða minna af því sem hún borðaði.