Charlene prinsessa af Mónakó þótti einstaklega glæsileg til fara þegar hún mætti til veislu í Buckinghamhöll í tilefni af krýningu Karls III. Bretlandskonungs.

Charlene ákvað að klæðast ekki hefðbundnum kjól eins og hinar konurnar í veislunni heldur klæddist hún ljósfjólubláum samfestingi og skar sig sannarlega úr fjöldanum. Efri hlutinn var skáskorinn og með fallegum silfurlituðum útsaumi sem náði niður á tær. Þá bar hún silfurlitaða tösku og var í silfurlituðum skóm frá Manolo Blahnik sem kallast Chaos 105mm Metallic Napa Sandals. 

Við sjálfa krýninguna var Charlene prinsessa í kremlituðu frá toppi til táar með perlutölum og samlita skikkju yfir axlirnar.