Smartland Mörtu Maríu | Tíska | mbl | 24.6.2023 | 13:00

Þetta eru uppáhaldssnyrtivörur Alix Earle

TikTok-stjarnan Alix Earle er með yfir 5,4 milljónir fylgjenda á miðlinum. Skjáskot/Instagram

TikTok-stjarnan Alix Earle hefur verið að gera allt vitlaust á miðlinum undanfarna mánuði, en hún er þekkt fyrir að gera svokölluð „Get ready with me“ eða „Gerðu þig til með mér“ myndskeið þar sem hún fer í gegnum förðunarrútínu sína á meðan hún spjallar hreinskilnislega við fylgjendur sína.

Förðun Earle er oftast sólkysst og ljómandi. Hún hefur deilt sínum uppáhaldssnyrtivörum með fylgjendum sínum, en vörurnar sem Earle notar í TikTok-myndskeiðum sínum verða oft ófáanlegar vegna vinsælda.

@alixearle This was a ROUGH morning .. we pulled it together though ? #grwm #wedding #weddingguest ♬ original sound - alix earle

Earle byrjar á því að undirbúa húðina með góðu rakakremi, en hennar uppáhaldskrem er Magic Cream frá Charlotte Tilbury. Því næst notar hún svokallaða „bronzing-dropa“ frá Drunk Elephant til að gefa húðinni sólkysstan ljóma. Að því loknu notar hún hinn geysivinsæla Shape Tape-hyljara frá Tarte í kringum nefið og augun.

Þegar kemur að farða þá eru þrír farðar í uppáhaldi hjá Earle. Það eru Luminous silk-farðinn frá Giorgio Armani og Sheer Glow-farðinn frá Nars sem eru báðir fljótandi með miðlungs þekju, en einnig Traceless-farðastiftið frá Tom Ford sem er þægilegt og fljótlegt í notkun.

Kremið, hyljarinn og „bronzing-droparnir“ sem Earle elskar. Samsett mynd

Perlubleikt ljómapúður setur punktinn yfir i-ið

Til að skyggja andlitið notar Earle aðallega tvær vörur, annars vegar Contour Wand frá Charlotte Tilbury og hins vegar Fit Me-hyljarann frá Maybelline í dökkum lit. Því næst notar hún laust púður undir augun til að tryggja að hyljarinn haldist á sínum stað, en hún notar Easy Bake-púðrið frá Huda Beauty.

Sólarpúður er ómissandi hluti af sólkysstri förðun, en Earle notar hið klassíska Hoola-sólarpúður frá Benefit. Því næst notar hún Soft Pinch-kremkinnalitinn frá Rare Beauty í litnum Hope og Happy. Til að setja punktinn yfir i-ið notar hún svo perlubleikt Tickle-ljómapúður frá Benefit á kinnbeinin og nefið.

Þessar vörur notar Earle til að ná fram sólkysstri og ljómandi húð sem allir eru að missa sig yfir. Samsett mynd

Bjartari augu með hvítum augnblýant

Til að fylla inn í augabrúnirnar notar Earle vatnsheldan Brow Definer frá Chantecaille og notar svo 24-HR-augabrúnagelið frá Benefit til að halda þeim á sínum stað. Hún byrjar svo á augunum, en Earle er þekkt fyrir að nota hvítan augnblýant í vatnslínuna sína fyrir bjartari augu, en hún notar Jumbo augnblýantinn frá NYX í litnum Milk.

Tveir maskarar eru í mestu uppáhaldi hjá Earle, en hún notar vatnsheldan Better Than Sex-maskara frá Too Faced og Roller Lash-maskarann frá Benefit.

Á varirnar notar Earle svo hinn sívinsæla Lip Cheat-varablýant frá Charlotte Tilbury í litnum Pillow Talk. Undanfarið hefur hún svo verið með algjört æði fyrir Candy Glazed-glossinum frá Yves Saint Laurent, en hann gefur vörunum guðdómlegan ljóma.