Það var sannkölluð sumarveisla á frumsýningu kvikmyndarinnar Barbie á dögunum þegar heitustu stjörnurnar gengu bleika dregilinn í Los Angeles í Bandaríkjunum. Smartland tók saman best klæddu stjörnur frumsýningarinnar.

Undanfarið hefur ríkt sannkallað Barbí-æði í tískuheiminum sem hefur sést víða og nýttu stjörnurnar tækifærið og drógu margar hverjar fram sitt bleikasta dress.

Þá klæddist leikarinn Ryan Gosling, sem fer með hlutverk Ken í myndinni, bleikum jakkafötum frá Gucci sem slógu rækilega í gegn. Það var svo tónlistarkonan Dua Lipa sem stal senunni, en hún skildi lítið eftir fyrir ímyndunaraflið þegar hún mætti í gegnsæjum kjól frá Bottega Veneta.