Munu þau dansa eins og mamma og pabbi þegar hún kemur heim?

Breska knattspyrnustjarnan, Romeo Beckham, er mikill aðdáandi íslenskrar hönnunar ef marka má Instagram-síðu hans. Þar er hann með húfu á höfðinu frá 66°Norður og tekur sig nokkuð vel út. Húfan Kaldi hefur notið vinsælda hjá þeim sem vilja vera smart en ekki kalt. Kærasta hans, Mia Regan, er á sama báti en hún er núna í Nepal að sigra sjálfa sig. 

Hinn ungi Beckham leikur með B-liði úrvalsdeildarliðs Brentford sem er frá London. Hann hefur einnig leikið með Miami í bandarísku MLS deildinni. 

Romeo Beckham er sonur hjónanna, Victoríu og David Beckham, sem eru líklega ein frægustu hjón Bretlands. Í mynd um David Beckham sem aðgengileg er á streymisveitunni Netflix kemur fram að feðgarnir séu nánir. 

Kærasta Romeo Beckham, Mia Regan, hefur einnig verið mikið í sviðsljósinu en hún starfar sem fyrirsæta og stafrænn hönnuður. Regna hefur eins og Romeo Becham sést nokkrum sinnum klædd í 66°Norður fatnaði í Lundúnum, á tískuvikunni í Kaupmannahöfn og í útilegu í Wales. Hún er núna stödd í Nepal í leiðangri með föður sínum þar sem þau ganga að grunnbúðum Everest. Greinilegt að Mia líkar vel við fatnaðinn hvort sem það er í London eða í fjöllunum í Nepal.

Stóra spurningin er, munu þau dansa við smell Dolly Parton og Kenny Rogers, Island in the Stream, þegar hún kemur heim frá Nepal líkt og David og Victoria gera í Becham-myndinni á Netflix en dansinn tröllríður öllu á TikTok um þessar mundir. 

• Blogga um frétt