10 hlutir sem koma þér í jólagírinn
Setja bókamerki
Um helgina er fyrsti í aðventu og því er óskalisti vikunnar með jólalegu yfirbragði. Margir nýta helgina í eitthvað hátíðlegt eins og að skreyta heimilið, fara á jólahlaðborð eða fá sér heitt kakó á jólamarkaði.
Á óskalista vikunnar finnur þú fallegar og fjölbreyttar vörur sem hitta beint í mark á þessum árstíma.
Fullkomið á jólaborðið
Þessar fallegu keramikskálar gerir arkitektinn Hildur Árnadóttir. Þær eru formfagrar og tímalausar og munu setja punktinn yfir i-ið á hvaða hátíðarborði sem er.
Fegurðin í einfaldleikanum!
Pillar-kjóllinn frá Entire Studios er afar stílhreinn og einfaldur, en það er eitthvað við sniðið á honum sem gerir hann sérstaklega heillandi. Það er auðvelt að dressa kjólinn upp og niður og því ætti notagildið að vera ansi gott.
Allt það sem ég óska er ...
... heilbrigður ljómi um jólin! Þetta púður frá Chanel er fullkomið yfir vetrartímann, en það gefur húðinni náttúrulegan og heilbrigðan ljóma – akkúrat það sem við þurfum í skammdeginu.
Jólataskan í ár!
Glitur getur gert hvaða dress sem er jólalegt, en þessi taska er fullkomin í fataskápinn yfir hátíðirnar. Ef þú vilt fara alla leið þá getur parað töskuna við glimmerdressið, en það er líka hægt að bæta töskunni við látlausara og einfaldara dress til að poppa það upp.
Sjóðheit stígvél!
Kúrekastígvél hafa verið að gera allt vitlaust að undanförnu, en nýverið komu þessi trylltu stígvél út sem eru með heillandi sniði og fullkomnu mynstri.
Jólastjarnan!
Margir nýta fyrstu helgina í aðventu, sem er næstkomandi helgi, í að skreyta fyrir jólin. Þessa fallegu og skemmtilegu stjörnu er bæði hægt að nota sem ljós í glugga eða lofti, en einnig sem skrautmun á gólfi.
Heitasti liturinn!
Rauði liturinn hefur tekið yfir tískuheiminn á undanförnum vikum. Tímasetningin hentar vel enda þykir rauður afar jólalegur. Það er auðvelt að bæta rauðum við hvaða lúkk sem er með þessum flotta topp, en hann er hægt að dressa upp og niður yfir hátíðirnar.
Draumaskartið!
Það þurfa allir að eiga klassíska skartgripi yfir hátíðirnar sem taka lúkkið á næsta level. Þessir eyrnalokkar eru tímalausir og afar glæsilegir – sannkallað draumaskart fyrir jólin!
Vertu töffari í vetur!
Þótt glitur og glamúr séu í forgrunni um þessar mundir þá er fátt sem toppar töffaralega jakka. Þessi jakki frá Aftur grípur augað samstundis með skemmtilegri hönnun sinni og áferð.
Glamúrbuxurnar!
Silfrið er að koma sterkt inn um þessar mundir! Þessar trylltu silfurlituðu buxur eru fullkomnar fyrir hátíðirnar, enda glamúrbuxur með töffaralegu yfirbragði.
Kílómetragjald: „Mikilvægt að málið verði klárað fyrir þinglok“
Skúli sýknaður en 780 milljóna greiðslum rift
Ný könnun: Sjálfstæðisflokkur dalar enn
„Tómthússkattur“ bitnar einnig á landsbyggðarfólki
Bindur vonir við að koma fjárlögunum í gegn
Taka þarf ákvarðanir um framtíð Grindavíkurbæjar
Biðlistar eftir skurðaðgerðum gætu lengst
„Þetta var hræðileg stund“
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
endurskoðandi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál
lýtalæknir svarar spurningum lesenda