Íslensku húðvörurnar Taramar unnu til verðlauna hjá European Natural Beauty Awards árið 2023 á dögunum. Arctic Flower Treatment þótti besta náttúrulega augnserumið að mati dómnefndar.  

„Það kom okkur skemmtilega á óvart að hún yrði valin sem besta náttúrulega augnserumið í Evrópu þar sem þessi vara var hönnuð til þess að vinna á móti myndun varalína á efri vör ásamt því að vinna almennt gegn hrukkumyndun í andliti,“ segir meðal annars í tilkynningu Taramar í kjölfar verðlaunanna.

Ákveðið var að prófa vöruna í kringum augnsvæðið vegna þess að Taramar vörurnar innihalda engin skaðleg efni fyrir líkama og húð, hvorki hormónatruflandi efni né erfðabreytt. 

„Það er mikils virði að vinna gullsætið í þessari keppni þar sem um 50 dómara prófa hundruði vara í margar vikur áður en niðurstöður eru kynntar og verðlaunin veitt. Þetta er því mikil viðurkenning fyrir íslenskt nýsköpunarfyrirtæki sem framleiðir íslenskar húðvörur úr bestu mögulegum hráefnum úr íslenskri náttúru,“ segir í tilkynningunni en Taramar hefur unnið alls 32 alþjóðleg verðlaun. 

Hér má sjá vegginn með öllum viðurkenningum Taramar. Ljósmynd/Aðsend

Tengdar fréttir

Snyrtivörur

Leiðbeiningar: Svört og dramatísk augnförðun hjá Chanel

• Harpa Kára farðaði Önnu Brauna með litum sem margir hræðast
• Augnförðunin helgarinnar er dramatísk
• Laus við allan farða og aldrei verið vinsælli
• Þórhildur Sunna valdi Hörpu Kára fram yfir sminkurnar á Rúv

» Fleiri tengdar fréttir

• Blogga um frétt