Bjarkey Olsen Gunnarsdóttir er ein af stjörnum vikunnar en hún varð ráðherra í fyrsta sinn í vikunni. Bjarkey kann greinilega að meta fallegan og litríkan klæðnað og er töffari inn við beinið. 

Tvær eins

Þegar það er mikið að gera er gott að eiga nokkrar útgáfur af sömu flíkinni. Bjarkey á bæði græna og rauða útgáfu af sömu skyrtunni. Skyrtan góða glansar og er með rykkingum. Rykkingarnar voru áberandi á tíunda áratug síðustu aldar. Tískan frá þessum tíma hefur verið í tísku að undanförnu og hefur Bjarkey greinilega fallið fyrir henni. Rykkingarnar geta gert flíkur mjög klæðilegar og ýtt undir kvenlegan vöxt. 

Bjarkey tók við lyklunum af Svandísi Svavarsdóttur í grænni blússu. mbl.is/Eggert Jóhannesson

Bjarkey Olsen Gunnarsdóttir á fundi ríkisstjórnar í rauðri blússu, stuttu svörtu pilsi og í rauðum skóm í stíl við skyrtuna. mbl.is/Eggert Jóhannesson

Frétt af mbl.is

Hver er nýi ráðherrann?

Mynstur eru skemmtileg

Þegar ríkisstjórn Bjarna Benediktssonar mætti á Bessastaði í vikunni var Bjarkey í fallegum sparikjól með mynstri sem tónaði vel við hárlitinn. Hún hefur áður nýtt sérstök tilefni á stjórnmálaferlinum til að klæðast litríkum flíkum með fallegu mynstri. 

Ný ríkistjórn Bjarna Benediktssonar tók við í vikunni. Bjarkey var í litríkum kjól í stíl við hárlitinn. mbl.is/Kristinn Magnússon

Bjarkey var í jakka með fallegu mynstri og stuttu pilsi við þingsetningu í september í fyrra. mbl.is/Eggert Jóhannesson

Bjarkey í flottum kjól frá Konga á stórum degi í þinginu. Hún birti myndina á Instagram árið 2022. Skjáskot/Instagram

Hárið er hluti af útlitinu

Þegar kemur að hártískunni er Bjarkey dugleg að breyta til. Hvort sem það er að breyta hárgreiðslunni, láta stytta hárið eða jafnvel skipta um lit. Í vikunni skartaði hún ekki bara mjög stuttu hári heldur líka rauðum lit. Hún er ekki eina á rauða vagninum á Alþingi en Þórhildur Sunna Ævarsdóttir, þingmaður Pírata, er einnig með svipaðan lit en þó mun meira af honum.  

Bjarkey Olsen Gunnarsdóttir og Þórhildur Sunna Ævarsdóttir eru báðar með rautt í hárinu. Samsett mynd

Tengdar fréttir

Fatastíllinn

Kristrún geislaði í 144.000 króna kjól á Bessastöðum

• Íslenska lopapeysan er orðin að Gucci-pels
• Er ný bylgja á leiðinni?
• Charlene prinsessa töffaraleg í leðurjakka
• Velúrkjóll Rósu er fullkominn við gifsið

» Fleiri tengdar fréttir

Steldu stílnum

Peysan hennar Yrsu væri frábær núna

• Velúrkjóll Rósu er fullkominn við gifsið
• Steldu stílnum af Baldri Stefáns
• Kjaftforustu konur landsins klæddust íslenskri hönnun
• Sanna vakti lukku í 1.400 króna skyrtu

» Fleiri tengdar fréttir

Sterk saman

„Ég ætla að gera allt, ég get ekki meira af þessu lífi“

• „Ég var mikið í strokum og Gummi lögga leitaði mikið að mér“
• Sársaukafullt að missa dóttur
• „Ég hef séð það frá fyrstu hendi hvernig áfengi getur drepið fólk hægt og rólega“
• „Pabbi drakk inni í stofu og oft fengum við ekki að fara þangað inn“

» Fleiri tengdar fréttir

• Blogga um frétt